{idkey=2855b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F455-gabinete-me-ii-gabinete-mike-eman-ii-trahando-pa-habri-e-caminda-di-solidaridad-familiar%3FItemid%3D101][title=Gabinete+ME+II%3A+Gabinete+Mike+Eman+II+trahando+pa+habri+e+caminda+di+solidaridad+familiar][desc=Cambio+den+ley+di+bijstand+pa+yiu+y+nieto+por+percura+pa+nan+mayornanManeho+di+Gabinete+Mike+Eman+semper+tabata+y+ta+sigui+ta+basa+riba+e+deseo+di+pueblo.+For+di+eynan+ta+bin+e+importancia+di+mantene+un+contacto+estrecho+cu+e+ciudadano.+Polisa+y+maneho+di+Gobierno+ta+un+refleho+di+e+situacion+real+di+e+pais+pasobra+Prome+Minister+Mike+Eman+ta+percura+pa+semper+tin+un+li%C3%B1a+directo+entre+e+ciudadano+y+nan+representantenan+den+maneho+publico.+Reformanan+social+manera+reparatietoeslag+y+aumento+di+]}Cambio den ley di bijstand pa yiu y nieto por percura pa nan mayornan
Maneho di Gabinete Mike Eman semper tabata y ta sigui ta basa riba e deseo di pueblo. For di eynan ta bin e importancia di mantene un contacto estrecho cu e ciudadano. Polisa y maneho di Gobierno ta un refleho di e situacion real di e pais pasobra Prome Minister Mike Eman ta percura pa semper tin un liña directo entre e ciudadano y nan representantenan den maneho publico. Reformanan social manera reparatietoeslag y aumento di pension, entre otro, ta ehempel di e posicion aki.

Durante e prome Accion di Bario di 2015 sosteni diahuebs mainta na Pos Chikito, e mandatario a topa cu un situacion conoci pa su Gabinete y cu ta trahando riba dje. Esaki ta ripiti den tur otro skina di Aruba, mescos cu na e bario pariba di brug. Ta asina cu mayor of welo ta yega na un fase cu mester di cuido constante, sea ta dor di edad, condicion fisico of salud. Un famia directo ta esun prome yama pa brind’e e asistencia cu e mester y merece.

Ora esey ta sosode, e dunado di cuido ta bay biba na cas di e persona cu mester di dje, pero haciendo esaki, ta perde su bijstand, dor cu e grandi ta ricibi un pension caba. Den hopi caso e yiu of nieto no por bay traha, e ora ey bo tin un reto pa e entrada di e famia ey. “Nos ta bezig ta trece cambio den e ley di bijstand cu ta bisa cu si bo ta un persona den un cas cu un hende grandi cu tin pension, bo ta perde e bijstand,” Prome Minister Mike Eman a bisa.

E mandatario a añadi cu for di e prome termino di gobernacion, ya caba e tabata den combersacion cu e Minister di Asuntonan Social di e tempo ey Michelle Hooijboer Winklaar, cual cartera awor ta den man di drs. Paul Croes. “Nos ta spera cu den e periodo aki nos por haci e cambio.” Prome Minister ta kere cu e maneho anticua aki ta descurasha e yiu of nietonan cu tin bijstand pa bay yuda nan welo, wela of mama of tata. “Esey no ta e idea. Nos kier solidaridad entre famia y bisiñanan y si e regla ta stroba esey, mester haci adaptacion na e reglanan ey,” asina Premier Eman a declara.

Expresionnan haci den e articulo aki no necesariamente ta refleha opinion di ArenaPoliti.co