{idkey=6796b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1558-gabinete-me-ii-prome-minister-eman-kier-recorda-famianan-di-menos-recurso-pa-pidi-bijstand-pa-nan-yiunan%3FItemid%3D101][title=Gabinete+ME+II%3A+Prome+Minister+Eman+kier+recorda+famianan+di+menos+recurso+pa+pidi+bijstand+pa+nan+yiunan][desc=A%C3%B1a+escolar+nobo+ta+dilanti+porta%26amp%3Bnbsp%3B+ORANJESTAD-+Aruba+ta+preparando+su+mes+pa+un+a%C3%B1a+escolar+nobo.+Muchanan+exitante+cu+ta+bayendo+scol+pa+prome+biaha%2C+otronan+cu+a+cambia+di+klas%2C+hobennan+cu+ta+bayendo+scol+secundario+y+studiantenan+di+scolnan+avansa+y+Universidad%2C+tur+ta+prepando+nan+mes+pa+e+a%C3%B1a+escolar+nobo+nan+dilanti+cu+ta+bin+cu+su+retonan+cu+ta+bay+man+den+man+cu+e+meta+final+cu+esnan+cu+ta+atende+scol+tin+nan+dilanti.+Pasa+e+a%C3%B1a+cu+exito+y+asina+bay+dilanti+den+bida.+Pero%2C+aten]}
Aña escolar nobo ta dilanti porta 

ORANJESTAD- Aruba ta preparando su mes pa un aña escolar nobo. Muchanan exitante cu ta bayendo scol pa prome biaha, otronan cu a cambia di klas, hobennan cu ta bayendo scol secundario y studiantenan di scolnan avansa y Universidad, tur ta prepando nan mes pa e aña escolar nobo nan dilanti cu ta bin cu su retonan cu ta bay man den man cu e meta final cu esnan cu ta atende scol tin nan dilanti. Pasa e aña cu exito y asina bay dilanti den bida. Pero, atende scol tin un otro reto cu ne, esta e parti financiero. Gobierno ta yuda esnan den un situacion menos bon pa por cumpra uniform y otro atributonan di scol. Prome Minister Mike Eman a splica con esaki ta bayendo.

“Pa hopi famia e gastonan adicional, manera buki, uniform y schoolgeld pa e aña escolar nobo, ta pisa riba tur famia, pero pa esnan di menos recurso e situacion ta mas dificil pa cubri e gastonan. Hobennan mester sinti nan mes inspira y motiva pa atende scol. Ta pesey cu desde inicio di nos gobernacion a bin cu asistencia pa famianan di menos recurso. E tempo ey e onderstand pa esnan cu ta cabez di famia cu tin yiu cu ta atende scol tabata Afl.605,00”. Den caso di un mama soltera cu dos yiu esaki tabata e suma di placa  na 2009. E tabata reparti den 325 florin y dos bes 140 florin. Cu e placa aki e mama soltera mester a cria su mes y su dos yiunan. “Un situacion penoso”, Eman a bisa.  “Nos gobierno a dicidi pa haci un ahuste di e suma aki cu no tabata alcansa pa cubri e gastonan cu tabatin. Den Dialogo Social a pone e tema aki central y asina a yega na e decision pa aumenta e bijstand cu 25%, e Afl. 325 florin pa 410 cu ta e basisbijstand, a hisa e 140 na 175 y riba esaki a bin cu e schoolkinderentoelage di 100 florin cu despues a wordo aumenta na 200 florin. Cu tur esaki e suma di bijstand di e mama soltera cu dos yiu cu nos gobierno a haya ta ricibi 605 florin na 2009, awe ta haya Afl. 1155,00 pa luna. Casi dobel di loke e tabata haya den un tempo cu no tabatin ningun sorto di crisis.”

Eman a bisa di ta haya importante pa den e dianan dilanti di un aña escolar nobo recorda e desaroyo positivo aki y na mes momento recorda tur mayor cu tin yiu ta bay scol y tin derecho riba e bijstand y schoolkinderentoeslag  pa haci peticion pa haya nan. Esaki ta bay via Departamento di Asuntonan Social na unda mester acudi. Eman a pidi pa no laga ningun hende descurasha esnan den bijstand pa haci uso di e ayudo aki. “Mi tin bastante aña den politica y a bishita miles di cas na Aruba y mi por comparti cu boso cu tin famianan cu circumstancianan a complica nan bida asina hopi cu e famianan aki casi no tin otro alternativa cu acudi na e bijstand aki.” Eman a bisa pa no laga e situacion di un par di hende cu por traha, pero ta cobra bijstand, stroba e milesnan cu tin derecho riba bijstand pa no busca e asistencia aki. E bijstand ta un forma di solidaridad di henter e comunidad y di compromiso di ciudadano pa ciudadano pa yuda famianan den situacionnan dificil. “Ami mes ta bin di un famia di ocho yiu cu a keda atras den un situacion dificil ora nos tata a fayece. Mi sa kico kier meen ora un comunidad responde riba necesidad di famianan cu ta haya nan mes confronta cu cambionan cu ta pone nan den circumstancianan sumamente dificil pa por cubri e gastonan cu mantene un famia ta trece cu ne.” 

Expresionnan haci den e articulo aki no necesariamente ta refleha opinion di ArenaPoliti.co