{idkey=529b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1557-gabinete-me-ii-asocacion-nobo-business-improvement-district-bid-ta-bay-guia-y-coordina-mantencion-y-actividadnan-den-centro-di-ciudad%3FItemid%3D101][title=Gabinete+ME+II%3A+Asocacion+nobo+Business+Improvement+District+%E2%80%98BID%E2%80%99+ta+bay+guia+y+coordina+mantencion+y+actividadnan+den+centro+di+ciudad][desc=+%E2%80%9CBack+to+School+Bazaar%E2%80%99+den+fin+di+siman+aki+den+caya+grandi+ORANJESTAD-+Den+fin+di+siman+aki+caya+grandi+ta+bay+ta+centro+di+hopi+actividad.+Tur+esaki+relaciona+cu+e+evento+%E2%80%98Back+to+School%E2%80%99+na+unda+tiendanan+den+Caya+Grandi+ta+bay+bin+cu+ofertanan+fabuloso.+Ta+bay+tin+varios+stand+cu+mercancia+riba+caya+y+tambe+luganan+unda+lo+tin+musica+live+pa+entretene+e+publico+cu+ta+bin+den+caya+pa+haci+nan+compranan.+Dj%E2%80%99nan+cu+ta+participa+den+Electric+Festival+ta+entre+esnan+cu+ta+presente+pa+]}
“Back to School Bazaar’ den fin di siman aki den caya grandi

ORANJESTAD- Den fin di siman aki caya grandi ta bay ta centro di hopi actividad. Tur esaki relaciona cu e evento ‘Back to School’ na unda tiendanan den Caya Grandi ta bay bin cu ofertanan fabuloso. Ta bay tin varios stand cu mercancia riba caya y tambe luganan unda lo tin musica live pa entretene e publico cu ta bin den caya pa haci nan compranan. Dj’nan cu ta participa den Electric Festival ta entre esnan cu ta presente pa anima e hobennan. Tambe exposicion di deportistanan y otro actividadnan pa asina converti Caya Grandi den un centro di animacion. E tiendanan ta keda habri te 9or di anochi. Durante e rueda di prensa di dialuna ultimo Prome Minister Mike Eman a splica cu esaki ta e prome evento cu ta wordo organisa door di e asociacion nobo, Business Improvement District bou guia di sr. Stanley de Marchena.

Eman a duna un splicacion encuanto e asociacion Business Improvement District (BID). “Durante e ultimo añanan cu nos ta trahando riba e plan di renobacion di centro di ciudad, e pensamento a bin dilanti cu na cierto momento ta un bon idea pa bin cu algo parecido na ATA, caminda sector publico y stakeholders ta percura pa promocion di turismo. A traha riba un concepto similar di un ‘public private partnership’ pa percura pa promocion, mantencion, seguridad y actividadnan den caya grandi. E persona disponibel cu a wordo bon recomenda door di presidente di MAMBO sra. Audrey Lacle, ta sr. de  Marchena. E ta bay carga e responsabilidad pa trece tur e partidonan hunto tanto den centro di ciudad como di sector publico pa hunto forma e BID. Den esaki AIB tambe ta envolvi.” Eman a bisa di ta spera cu pronto e asociacion importante aki por firma na notario pa asina cuminsa carga responsabilidad pa maneho, promocion, mantencion y actividadnan den caya grandi.

E concepto di BID ta algo cu Minister Benny Sevinger hunto cu institutonan na Merca cu tin experiencia den esaki ta trahando riba dje pa algun tempo caba.  “MAMBO a haci e trabou aki pa hopi aña y nos ta gradici nan p’esey. E idea ta cu den e asociacion BID tin representante di ATA, ATIA, AHATA, Camara di Comercia, comerciantenan den Caya Grandi y banconan.”

Business Improvement District (BID) ta keda institui oficialmente dentro di algun siman. Eman a enfatisa e importancia di e asociacion nobo aki cu ta algo cu hopi hende tabata pendiente di dje. “Ta pesey mes cu nos ta contento cu nos a tuma e paso aki y a haya den persona di sr. de Marchena e persona adecua pa haci loke cu mester sosode den caya grandi, pero tambe expande pafo di caya grandi pa e otro cayanan y pa henter centro di ciudad conoce e actividadnan cu nos kier pa tin.”

Expresionnan haci den e articulo aki no necesariamente ta refleha opinion di ArenaPoliti.co