{idkey=5203b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4664-prome-minister-eman-nos-ta-trata-di-cumpli-mas-hopi-posibel-cu-tur-bario-pa-haya-luz%3FItemid%3D101][title=Prome+Minister+Eman%3A+%26quot%3BNos+ta+trata+di+cumpli+mas+hopi+posibel+cu+tur+bario+pa+haya+luz%26quot%3B][desc=Prome+Minister+Eman+riba+programa+Luz+den+Bario+%26amp%3Bnbsp%3B%26amp%3Bnbsp%3BORANJESTAD+%E2%80%93+%E2%80%9CNos+ta+bayendo+bario+pa+bario+y+awe+a+toca+turno+na+bario+di+Tamarijn%2C+cu+tin+basta+tempo+a+pidi+pa+haya+luz%2C%E2%80%9DProme+Minister+Mike+Eman+a+bisa+despues+di+e+ceremonia+di+inauguracion+di+e+prome+luz+LED+den+e+area+ey+diahuebs+anochi.+Instalacion+di+e+luznan+LED+ta+forma+parti+di+e+programa+%E2%80%9CLuz+den+Bario%E2%80%9Ddi+Gabinete+Mike+Eman.+%E2%80%9CNos+ta+bayendo+di+bario+pa+bario+y+awe+a+yega+Tamarijn.+Naturalmente+esnan+cu+ta+biba+a]}
Prome Minister Eman riba programa Luz den Bario   

ORANJESTAD – “Nos ta bayendo bario pa bario y awe a toca turno na bario di Tamarijn, cu tin basta tempo a pidi pa haya luz,”Prome Minister Mike Eman a bisa despues di e ceremonia di inauguracion di e prome luz LED den e area ey diahuebs anochi. Instalacion di e luznan LED ta forma parti di e programa “Luz den Bario”di Gabinete Mike Eman. “Nos ta bayendo di bario pa bario y awe a yega Tamarijn. Naturalmente esnan cu ta biba aki ta contento y pa esnan cu ta wardando, mi kier pa nan sa cu nos tin un compromiso pa trata di yega den tur bario den periodo di algun luna,”Prome Minister Mike Eman a bisa.

E mandatario a menciona cu ta canando cu un programa hopi estricto tratando di yega tur siman den dos bario. Despues di e inauguracion simbolico empleadonan di ELMAR NV ta sigui cu e trabou pa instala e cantidad necesario pa e area.

E experencia cu e mandatario tin cu e programa aki ta cu semper cu tin un inauguracion e ta un alegria grandi. “E alegria cu tin pa e iluminacion ta pa diferente motibo. Scuridad ta haci cu e famia ta bay paden mas tempran, muchanan no por hunga pafo, manera si nan ta haci awe despues cu nos a cende e prome LED light. Pero tambe e ta un forma di siguridad, principalmente pa esnan cu ta biba nan so.” Pa Gobierno aki ta hopi importante, pasobra ta traha pa duna loke e habitante ta desea pa completa e bario unda nan ta biba. Door di retrasonan grandi, entre otro door di mantencion di infrastructura, ta hopi trabou tin pa pone luz, caretera, canchanan deportivo. “Awo nos ta trata di cumpli mas hopi posibel cu tur bario,”Eman a bisa.

Gobierno ta logra haya sa di necesidad di e habitantenan door di cana semanalmente den barionan di Aruba. Den e caminatanan aki “nos a logra di haci un bon inventarisacion di loke e barionan mester. Ora bo ta cana bo ta topa asina hopi hende, ta haya sa necesidadnan di e bario. Hopi biaha ta cosnan manera luz, asfalt, verkeersplateau ta loke e bario mester y ta pone e hendenan sinti nan mes sigur.”

Pa finalisa e mandatario a bisa cu “ora bo ta goberna cu bo orea hopi cerca di deseonan di e pueblo, bo por duna miho contenido na e compromisonan cu Gobierno tin pa comunidad. Tin biaha e deseonan ta cambia, pesey mester keda bishita e barionan.”

Expresionnan haci den e articulo aki no necesariamente ta refleha opinion di ArenaPoliti.co