{idkey=6735b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4666-benny-nisbet-ppa-cambio-climatologico-y-aumento-di-nivel-di-lama-merece-mucho-mas-atencion-di-gobierno-parlamento-y-nos-sociedad%3FItemid%3D101][title=Benny+Nisbet+%28PPA%29%3A+%E2%80%98Cambio+climatologico+y+aumento+di+nivel+di+lama+merece+mucho+mas+atencion+di+gobierno%2C+parlamento+y+nos+sociedad+%21%21%E2%80%9D][desc=Ultimo+simannan+pueblo+di+Aruba+a+worde+confronta+cu+varios+%26amp%3Bnbsp%3Bfenomeno+unda+jobida+a+larga+un+impacto+negativo+riba+nos+pueblo.+E+prome+cu+PPA+ta+referi+%26amp%3Bnbsp%3Bna+dje+na+e+%26amp%3Bnbsp%3Borcan+Mathew+cu+su+%26amp%3Bnbsp%3Brabo+a+affecta+Aruba+%26amp%3Bnbsp%3Bsu+%26amp%3Bnbsp%3Bbeachnan.+No+kabe+duda+cu+e+vista+di+nos+%E2%80%98beachnan%E2%80%99+no+tabata+uno+positivo+y+el+a+%E2%80%98shock%E2%80%99+nos+pueblo+visiblemente.+Despues+Aruba+a+kaba+di+pasa+den+e+jobida+%E2%80%98torencial%E2%80%99+cu+a+causa+danjo+na+hopi+cas+y+negoshi+di+nos+pueblo.+Atrobe+esaki+tabata+un+]}
Ultimo simannan pueblo di Aruba a worde confronta cu varios  fenomeno unda jobida a larga un impacto negativo riba nos pueblo. E prome cu PPA ta referi  na dje na e  orcan Mathew cu su  rabo a affecta Aruba  su  beachnan. No kabe duda cu e vista di nos ‘beachnan’ no tabata uno positivo y el a ‘shock’ nos pueblo visiblemente. Despues Aruba a kaba di pasa den e jobida ‘torencial’ cu a causa danjo na hopi cas y negoshi di nos pueblo. Atrobe esaki tabata un ‘shock’ pa nos pueblo …..pasobra no solamente e sitionan conoci a worde affecta pero hopi cas y negoshi cu nunca a confronta e danjo cu awa di jobida  por causa a hanja nan mes cu e dolor aki. Pueblo ta pendiente un estimacion di e danjo aki  ??

Pesey PPA un vez mas kier referi na un fenomeno   cu ta e ‘cambio di clima’ y e asina jama hisamento di nivel di lama cu ta un peliger grandi pa mundo y especial cierto sitio hopi abao. No kabe duda cu den Caribe nos tin varios isla incluso Aruba cu tin su parti abao y cu por worde seriamente affecta pa un desaroyo di  ‘rising sea levels’. PPA ta keda preucupa pasobra nos gobierno a solamente participa na un evenemento  internacional cu tabata mas pa Min Pres crea un ‘show’ di su mes….  pero no a presenta un maneho serio pa limita eventual danjo di nos Isla den futuro. Nos mester realisa cu si keda warda ora e tuma lugar  ……..e lo no ta manera e  situacion unda por a busca santo y drecha nos beachnan …unda por a pomp awa y bida ta simpelmente continua. E momento cu nos larga mucho tempo pasa  Aruba ta perde e periodo den cual por  a inverti den infra-structura pa limita e posibel danjo den futuro. Lamentablemente e gobierno cu tanto pretencion no a presenta un maneho serio al respect.

PPA ta di opinion cu  E ‘show’ cu Min Pres Mike Eman a duna riba e tereno aki  mester worde transforma den un maneho serio y profundo con nos como isla den Caribe lo implementa nos maneho pa frena e posibel danjo den futuro. Sin hasi esaki Aruba ta simpelmente sinta warda pa lo mas peor pa tuma lugar. Scientificonan den mundo a cuminsa cualifica cu  sigui cu e custumber di manda CO2 den aere  anto incontrola  ta nifica  contribui ‘wowo habri’ na final di humanidad.  E lo inicia hora cu varios isla den pacifico y den Caribe bai sea parcialmente of completamente bao di awa e lo nifica cu e pueblo lo mester busca otro destinacionan pa muda y crea un bida. Pero e no ta termina eynan, pasobra tanten cu nos keda depende di ‘fossil fuels’ anto keda manda CO2 den aere …esaki lo causa cu  esaki lo cuminsa affecta paisnan grandi tambe….y e espacio pa e ser humano por biba lo cuminsa bira hopi y hopi mas chikito.  E problematica di accepta  ser humano di otro pais lo bira ainda mas comun y e por bati na nos porta tambe….no pa nos accepta otro pero si nos no hasi nada ….Aruba lo por perde locual ta nos industria di turismo cu otro palabra nos  pilar cu ta duna nos nos entrada pa nos biba y lo peor ta cu lo por jega e dia fatal cu un gran majoria di nos pueblo lo opta pa biba den exterior pasobra  lo no tin un pilar turistico pa duna entrada na nos pueblo mas.

PPA ta keda accentua e problematica aki, pasobra PPA ta convencia cu ‘climate change’ y ‘rising sea levels’ lo mester forma parti di e ‘agenda nacional’ di Aruba  y di Reino. Aruba a firma e acuerdo/tratado di Paris……ki dia esaki lo worde trata den parlamento di Aruba ?  Ki dia pueblo di Aruba lo ricibi un splicacion di su contenido …?  Ki dia gobierno di Aruba lo presenta un  maneho basa riba esaki na parlamento di Aruba ? Ki dia su contenido lo worde trata den parlamento di Aruba ? Ki dia pueblo lo tende con atende esaki lo affecta nos presupuesto di pais Aruba algo cu e actual gobierno a core pe hopi tempo. Aruba lo mester ‘wake up & smell the coffee’.

E proximo eleccion lo ta un oportunidad pa  atende  tur problematica pendiente. E maneho y soluccion di PPA pa cu e  ‘cambio climatoligico’ y e ‘rising sea levels’ lo bai ta:

A.  Pone e asunto aki riba ‘agenda nacional di pais Aruba. (Cual lo ensera discussion riba e materia aki den Conseho di Ministro , parlamento di Aruba y den pueblo mes cu diferente ngo’s y partidonan politico interesa riba e materia aki.)

B. Nombra un commission di experto cu lo  hasi un estudio riba e tereno aki.

C. Cuminsa pone un suma riba prespuesto nacional di Aruba anualmente.

D. Intercambia cu Hulandes encuanto uso di expertisio hulandes riba e materia aki.

Di presenta  na pueblo kiko esaki lo por costa pueblo esta e maneho/esfuerzo pa limita danjo den futuro …..

PPA ta preparando pa ta participante den e discussion nacional necesario aki !! Un discussion cu e actual gobierno di Aruba y e actual constellacion di parlamento di Aruba visiblemente a core pele.

Aruba,  1 december 2016                                                        

Expresionnan haci den e articulo aki no necesariamente ta refleha opinion di ArenaPoliti.co