{idkey=4077b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4751-benny-nisbet-ppa-mester-bin-un-plaza-di-souvenir-arte-y-musica-cultural-pa-stimula-interes-di-e-turista-bishitante-parti-p-ariba-di-caya-grandi%3FItemid%3D101][title=Benny+Nisbet+%28PPA%29%3A+%E2%80%98Mester+bin+un+plaza+di+souvenir%2C+arte+y+musica+cultural+pa+stimula+interes+di+e+turista+bishitante+parti+p%E2%80%99ariba+di+caya+grandi%21%E2%80%99][desc=E+hecho+cu+awor+numa+gabinete+Mike+Eman+ta+dedica+atencion+na+e+pregunta+di+con+e+turistanan+no+ta+baha+for+di+e+%E2%80%98street-trolley%E2%80%99+den+e+parti+pariba+di+caya+grandi+ta+indica+claramente+cu+gab.+Mike+Eman+No+a+dedica+atencion+serio+na+e+problematica+aki+%21%21Den+seno+di+PPA+ora+cu+nos+a+prepara+e+vision+pa+un+%E2%80%98street-trolley%E2%80%99+core+for+di+nos+haf+pa+final+di+caya+grandi+y+bek+PPA+si+a+tene+cuenta+cu+esaki.+Den+nos+planificacion+nos+a+observa+un+posibel+desaroyo+asina+pasobra+segun+nos+e+tempo+]}
E hecho cu awor numa gabinete Mike Eman ta dedica atencion na e pregunta di con e turistanan no ta baha for di e ‘street-trolley’ den e parti pariba di caya grandi ta indica claramente cu gab. Mike Eman No a dedica atencion serio na e problematica aki !!

Den seno di PPA ora cu nos a prepara e vision pa un ‘street-trolley’ core for di nos haf pa final di caya grandi y bek PPA si a tene cuenta cu esaki. Den nos planificacion nos a observa un posibel desaroyo asina pasobra segun nos e tempo ey ….e parti p’ariba no ta bende articulo turistico y consecuentemente no ta jamativo suficiente pa hopi turista baha mas pariba. Pesey den e planificacion di PPA nos tabatatin intencion di crea un plaza turistico na altura di ‘Niki habibe’ esta final di caya grandi manera nos conocele.

Gab Mike Eman a tuma over nos vision di un ‘street-trolley’ pero no tabata na altura di e planificacion di PPA tras di e vision aki. Francamente bisa pa PPA tabata hopi remarkable cu dentro di e ejecucion di e vision ak y e drechamento di caya Gilberto F. Croes gab. Mike Eman no a cai riba e posibel desaroyo menos bon aki ?? Esaki cu tur e coordinador y consejero cu nan tin.

Parti pariba di Caya Grandi….? Un ‘Plaza cultural dedica na ‘souvenir, arte y musica cultural !’’

Parti pariba di Caya Grandi cu tur respet pa nos comerciantenan no ta worde bendi articulonan conoci como ‘turistico’ manera souvenir, arte etc ni tin un ambiente cultural turistico ! Tampoco no tin un plaza cultural di ‘arte y souvenir’ na unda tin tambe e musica typico cu por worde mercadia na turista como un sitio crucial pa bishita. Pesey PPA ta propone na gab. Mike Eman pa larga construi un Plaza Cultural net pariba di x Niki Habibe Supermarket unda lo por bende souvenir local, arte y unda lo por tin musica local creando un ambiente unico y jamativo pa e turista. PPA ta convensi cu esaki lo cambia e desaroyo menos agradable aki.

Tambe lo ta bon pa dentro di un pakete fiscal…..atractivo ……pone ainda extra incentivo pa tur locual ta trata pacus dedica na e interes di turista….!! E idea aki lo mester worde un poco mas rafina pa asina tin un maneho cla y cu no ta descrimina dentro di e mundo commercial arubiano.

PPA ta sinti cu varios eror a worde cometi ora AVP a simpelmente tuma over un vision di PPA ejecutele sin a hasi un estudio debido riba esaki cual a contribui na e chaos cu tin actualmente den centro di Oranjestad. PPA a scirbi algun articulo cu e titulo ‘Oranjestad Quo Vadis’ den cual nos partido a dedica atencion na e futuro commercial di Oranjestad y a hasi varios pregunta y ponencia pa cu e meta aki.

Pa drecha situacion den caya grandi mester inicia pa stop Aru-parking y stop e ‘klemmento’ di propiedad di pueblo…cambi e tarea di Aru-parking y duna nan un tarea positivo.. PPA a propone un Aru-guia & Service cual lo bira un tarea positivo !!

PPA lo keda questiona gab. Mike Eman su maneho dentro di nos oposicion di pafor di parlamento y nos lo bin bek riba e materia importante aki !

Aruba, 18 di December 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co