{idkey=4303b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F489-booshi-wever-upp-minister-schwengle-di-bishita-di-trabou-na-hulanda%3FItemid%3D101][title=Booshi+Wever+%28UPP%29%3A+Minister+Schwengle+di+bishita+di+trabou+na+Hulanda%3F][desc=Mi+por+a+tuma+nota+cu+sr.+Schwengle+ta+huy+pa+publicidad+e+ultimo+lunanan+aki.+Bo+no+ta+tende+nada+di+dje+y+ni+tampoco+bo+por+lesa+nada+di+un+continuacion+di+maneho+den+e+area+di+salubridad.+Hasta+su+amigo+di+partido%2C+e+ex-mandatario+di+salubridad+%28un+persona+cu+Schwengle+mes+a+bisa+cu+no+ta+sirbi+pa+nada%29+parce+di+a+compronde+e+falta+di+maneho+aki+y+a+ha%C3%B1a+e+situacion+oportuno+pa+trata+di+haci+un+%E2%80%9Ccomeback%E2%80%9D+na+Aruba%2C+pasobra+diripiente+nos+por+a+wak+un+Richard+Visser%2C+refresca+y+den+un+for]}Mi por a tuma nota cu sr. Schwengle ta huy pa publicidad e ultimo lunanan aki.
Bo no ta tende nada di dje y ni tampoco bo por lesa nada di un continuacion di maneho den e area di salubridad. Hasta su amigo di partido, e ex-mandatario di salubridad (un persona cu Schwengle mes a bisa cu no ta sirbi pa nada) parce di a compronde e falta di maneho aki y a haña e situacion oportuno pa trata di haci un “comeback” na Aruba, pasobra diripiente nos por a wak un Richard Visser, refresca y den un forma exuberante, expone plannan grandi pa mehora salubridad na Aruba.

Mi por a lesa cu Visser a reuni cu Mike E. y Schwengle pa reanuda su obra maestra, esta un maneho concreto pa combati obesidad na Aruba. Kiko esaki ta bisami? Cu Mike E. lo mester ta desespera y mester mas exposure positivo pa tapa e avalancha di critica y desvia atencion, y cu Mike E. a bin ripara e fout grandi cu ela haci door di a core cu Visser y incorpora un Schwengle den su gabinete cu a demostra falta di experiencia, profesionalismo y maneho.

E gabinete di Mike E. a priminti pueblo un hospital di 5 strea y un trato medico di 5 strea, pero loke nos por ripara, ta cu te ainda no tin un Inspector medico na Aruba, aunke cu e cambio di ley a pasa parlamento y a ser bisa cu comienso di januari 2015 e Inspector lo cuminsa cu su tarea pa controla funcionamento di e profesionalnan medico debidamente na Aruba.
Mi kier a recorda nos pueblo cu desde 2013 caba lo por tabatin un Inspector na Aruba den persona di dr. Huisman, pero Schwengle no a colabora pa e persona aki bin traha na Aruba, apesar cu su colega Mike de Meza ya caba lo a firma un contract cu dr. Huisman.

Nos no ta tende nada di e arbeidscontractanten cu ta traha na Landslaboratorium.
Tampoco nada di e investigacion haci na e sala di operacion na unda diferente specialista lo ta involucra.
Kiko a pasa cu e maneho pa reduci obesidad, diabetes y presion halto?
Con ta para cu e dokternan cu a termina nan estudio den regio?
Kiko a tuma lugar atrobe cu nombracion di un amigo y coordinador di Schwengle na e departamento di salubridad?
Kiko a pasa cu e aparatonan cu ta para putri na Imsan?
Con a para cu e Centro di Oncologia na Imsan? (Den 5 aña ni e Centro di Cardiologia ni esun di Oncologia!)

En fin, mi por keda mustra e fayo grandi di Mike E. cu a kere di lo a mehora e calidad di salubridad, y loke a sosode ta un fracaso grandi cu nombracion di Schwengle.
Mi ta supone cu esaki ta un di e motibonan cu Schwengle a dicidi di reanuda su trabou como longarts, banda di e egoismo di e mandatario cu no a duna un otro yiu di tera un oportunidad pa bin traha como longarts na Aruba pa e mes no perde su cupo como longarts, y cu su supuesto viahe di trabou pa Hulanda lo por tin mas di haber cu bay papia cu ehecutivonan encarga cu registracion di dokter y specialista na Hulanda p’e no perde su registracion como longarts.
Pues un minister cu ta mas preocupa cu su mes, enbez di ta preocupa cu e pueblo di Aruba, cu dia pa dia ta ripara cu e cuido medico na Aruba ta baha den e cantidad di strea.


Den nomber di Union Patriotico Progresista – U.P.P.
Candelario A. S. D. – Booshi – Wever
Brazil, januari 24, 2015

Expresionnan haci den e articulo aki no necesariamente ta refleha opinion di ArenaPoliti.co