{idkey=4703b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4975-dangui-oduber-mep-nos-pais-ta-wordo-azota-pa-criminalidad-gobierno-ta-neglishando-siguridad-di-nos-hendenan%3FItemid%3D101][title=Dangui+Oduber+%28MEP%29%3A+Nos+pais+ta+wordo+azota+pa+criminalidad%21+Gobierno+ta+neglishando+siguridad+di+nos+hendenan%21][desc=Bo+ta+kere+Aruba+ta+proteha+suficiente%3F+Crimen+no+ta+cos+di+hasie+wega+cune%21Criminalidad+tin+nos+isla+na+werki.+Atraco+mainta%2C+merdia%2C+atardi+i+anochi.+Ladronicia%2C+abuso+sexual%2C+homicidio+a+para+bira+algo+normal.+Nos+pueblo+ta+wordo+horta%2C+atraca+y+maltrata+den+nos+propio+casnan.+Nos+no+por+accepta+esaki+sigui+sosode+riba+nos+pais.+No+tin+niun+forma+di+control+riba+ken%2C+con+i+ki+ora+ilegalnan+ta+drenta+Aruba+i+unda+nan+ta+keda.+Nos+fronteranan+ta+hancho+habri%2C+tin+cantidad+di+arma+drentando+Aru]}
Bo ta kere Aruba ta proteha suficiente? Crimen no ta cos di hasie wega cune!
Criminalidad tin nos isla na werki. Atraco mainta, merdia, atardi i anochi. Ladronicia, abuso sexual, homicidio a para bira algo normal. Nos pueblo ta wordo horta, atraca y maltrata den nos propio casnan. Nos no por accepta esaki sigui sosode riba nos pais.

No tin niun forma di control riba ken, con i ki ora ilegalnan ta drenta Aruba i unda nan ta keda. Nos fronteranan ta hancho habri, tin cantidad di arma drentando Aruba sin cu tin control riba esaki. Riba e pais aki a bira, alles mag y alles kan contal tur hende keda AVP. E pais aki ta di nos tur, no di Mike Eman, no di AVP. Nos mester percura pa nos pueblo ta sinti su mes sigur den nan propio cas no manera cu e ta awor caminda ancianonan ta wordo atraca y maltrata den nan propio cas.

Negoshi di permiso a para bira algo aceptabel i normal na Aruba. Rumornan cu minister, coordinardornan i campanjadornan ta cobra sen pa permiso ta wordo scucha dia aden i dia afo. No tin seriedad ni urgencia den e gabinete di Mike Eman. Ganjamento tras di ganjamento cu cos ta bon i cu no tin nada malo pasando na Aruba. Mi ta suplika Mike Eman pa stop cu su show i payasada i cuminsa tuma medida pa para e criminilad aki inmediatamente. Mi compromiso cu Aruba ta pa;
- Pone un sistema di camera extenso rond di Aruba pa por duna polis, fiscal i huesnan mas informashon den caso nan di crimen. Tambe pa hisa e prevenshon na Aruba drasticamente.
- Prepara conhuntamente cu DWJZ, husticia i Hulanda un revishon den nos leynan pa asina por duna straf nan cu ta conforme nos region. Straf nan mester bira mas pisa!
- Facilita Cuerpo Policial cu mas material, scholing, training, refuerso i miho salario pa asina duna bek na esnan cu ta proteha nos pueblo tur dia.
- Mester bin un refuerso drastico den veiligheidsdienst na Aruba (VDA) unda lo por hasie screening pa tur persona na Aruba i cuminsa opera manera debe ser cu sistema nan moderno i innovativo.
- Cuerpo Policial mester tin warda di polis nan adecua i up to date. Inversion nan den facilidad nan pa husticia a keda atras den forma tristo e ultimo 7 anja nan.
- Mester tin politie posten tur rond Aruba unda Pueblo por acudi den menos di 10min pa asina por tin sentimiento di siguridad bek riba nos isla.

Mep tin un plan traha cu ta ensera tur locual describi i mas ainda. E budget di husticia mester subi cu 24miyon florin pa anja pa asina por logra tur esaki. Mep tin e plan financiero pa alloca e fondonan aki for di e malgastamento di sen for di Mike Eman su conferencianan, coordinadornan, biahamento nan i fiesta. Tin 5 pa 12 i mester stop di ganja pueblo i cuminsa dobla manga. Vota Mep, Vota Dangui!

Expresionnan haci den e articulo aki no necesariamente ta refleha opinion di ArenaPoliti.co