{idkey=2893b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4991-benny-nisbet-ppa-kiko-un-geschillenregeling-lo-hasi-na-caracter-di-statuut-pa-reino-hulandes-y-consecuentemente-nos-status-aparte%3FItemid%3D101][title=Benny+Nisbet+%28PPA%29%3A+%E2%80%9CKiko+un+%E2%80%98geschillenregeling%E2%80%99+lo+hasi+na+caracter+di+Statuut+pa+Reino+Hulandes+y+consecuentemente+nos+Status+Aparte%3F%E2%80%9D][desc=Un+par+di+dia+pasa+pueblo+por+a+tende+cu+Ministro+Plasterk+lo+a+manda+un+concepto+pa+e+asina+jama+%E2%80%98geschillenregeling%E2%80%99+pa+2de+kamer%2C+cual+concepto+lo+no+ta+cuadra+cu+e+pensamento+comun+cu+a+logra+den+e+asina+jama+IPKO.+No+cu+PPA+ta+sostene+ningun+pensamento+comun+encuanto+di+un+%E2%80%98geschillenregeling%E2%80%99+entodo+caso+no+ainda.+Locual+PPA+kier+accentua+aki+ta+nos+pregunta+cu+nos+a+hasi+ripitida+vez%3A+Ki+consecuencia+introduccion+di+un+instancia+pa+atende+%E2%80%98diferencia%E2%80%99+di+opinion+den+Reino+Hula]}
Un par di dia pasa pueblo por a tende cu Ministro Plasterk lo a manda un concepto pa e asina jama ‘geschillenregeling’ pa 2de kamer, cual concepto lo no ta cuadra cu e pensamento comun cu a logra den e asina jama IPKO. No cu PPA ta sostene ningun pensamento comun encuanto di un ‘geschillenregeling’ entodo caso no ainda.

Locual PPA kier accentua aki ta nos pregunta cu nos a hasi ripitida vez: Ki consecuencia introduccion di un instancia pa atende ‘diferencia’ di opinion den Reino Hulandes lo trece cune ? Ki cambio estatal introduccion di un instancia asina lo hasi cu nos structura di Reino ? Nos (Aruba) a studia esaki ? Kiko ta su beneficio y kiko ta e aspecto negativo si tin ? Te awe e asina jama liderato di e diferente fraccion representa den Staten di Aruba no a splica pueblo esaki.

Mirando un falta di Liderato den Staten awendia PPA ta cuestiona TUR fraccion representa den Staten esta AVP, MEP y x Dem Real riba e aspecto acto.

Ta conoci desde 1954 cu Staten NO ta un Federacion tampoco un gedecentraliseerde eenheidstaat pero cu Statuut pa Reino Hulandes ta un documento cu un character totalmente ‘unico’ cual a worde cualifica pa diferente escritor/professor riba tereno estatal como un areglo cu un caracter unico. PPA ta cita e sigiente frase:

‘Het in 1954 door de vrijwillige samenwerking van Nederland, Suriname en de Nederlandse Antillen tot stand gebrachte Statuut voor het Koninkrijk der Nederlanden is een enigszins hybride constructie, die vaak wordt gekenschetst als een regeling sui generis’.

‘Het Koninkrijk is geen federatie, ook geen eigensoortige, is als zodanig niet bedoeld en dient daarop niet beoordeeld te worden. Het laat zich het beste als een staatsrechtelijke associatie van die landen of als een staatsrechtelijke samenwerkingsverband omschrijven. De Statuutwetgever zelf is voorzichtIg en noemt het Statuut in de toelichting een rechtsregeling van geheel eigen aard.” Cita for di e buki ‘Naar een nieuw Koninkrijksstructuur pag. 36’. Staatsrechtconferentie 1993 met bijlagen van Prof. dr. D. Breillat, mr. JAB Janus mr. AB van Rijn.

Statuut pa Reino Hulandes no ta pa semper ‘un eeuwig edict’ pero esnan cu ta representa e pueblo di e diferente pais di reino Hulandes esta Hulanda, Aruba, Curacao y St. Maarten mester ta consciente kiko cierto cambio ta trece cunele y splica e pueblo di esaki trempan. Un vez mas PPA no ta consciente ni a nota cu esnan representa den Staten di Aruba cu ta boga pa un ‘geschillenregeling’ a splica nos pueblo kiko ta e consecuencia di esaki. Cu e meta ta pa establece un instancia cu ta expresa su opinion den Reino Hulandes riba diferencia di opinion entre e diferente pais nos ta comprende. Pero PPA su pregunta clave ta ….Kiko esaki ta hasi cu e structura di Statuut pa Reino Hulandes ? E ta cambia e structura for di un ‘caracter unico’ pa un structura define den ley constitucional ….p.e. un Federacion ?

PPA kier a cita for di e buki conoci como ‘Arubaans Staatsrecht pag 39/40 di Gerhard Hoogers y Frank de Vries.

‘Toezicht vanwege het Koninkrijk’ Maar niet slechts in het verregaand samenvallen van Nederlandse en Koninkrijkorganen en daarmee samenhangend van Nederlands en Koninkrijksrecht is een fundamentele afwijking ten opzichte van een normale federale structuur waar te nemen, ook ten aanzien van het toezicht op de Landen, geschillen tussen de Landen en het Koninkrijk en de verenigbaarheid van Landsrecht met Koninkrijksrecht biedt het Statuut een afwijkend schouwspel. Al deze zaken zijn in een federatie gewoonlijk opgedragen aan een constitutionele rechter. In het Koninkrijk is echter voorzien in een ruime mate van bestuurlijk toezicht. In artikel 50 verleent het Statuut in algemene termen de Koning de bevoegheid om wettelijke en bestuurlijke maatregelen van de Nederlandse Antillen en Aruba die in strijd zijn met -kort gezegd – hoger recht of hogere koninkrijksbelangen bij gemotiveerd besluit te schorsen of te vernietigen. ‘

Den e federacion Americano esaki ta competencia di Corte Supremo esta pa expresa un opinion si acaso tin un diferencia di opinion entre un estado cu e gobierno federal.

Un vez mas e meta di e.o. parlamento di Aruba ta pa establece un otro instancia constitucional (den Statuut ) cu no tin e ‘toezicht cu Statuut’ ta papia di djele actualmente y pasele den man di un otro instancia cual su veredicto/opinion lo mester ta definitivo pa e gobernacionan den Reino Hulandes. Un vez mas ….Si lesa e frace cu normalmente asuntonan asina den un Federacion ta worde duna na un corte constitucional …anto e pregunta di PPA ta valido……Kiko introduccion di un ‘geschillenregeling’ ta hasi cu e Reino Hulandes cu nos conoce, cu nos a opta pele pa keda aden cu nos ‘status aparte’. E prome reaccion kizas lo ta cu e ta kita cierto poder di e instancia di Reino y pasele pa e corte constitucional……cual ta berdad…..pero kiko mas ta bin cu esaki ? Kiko mas Aruba kizas ta perde si cierto momento e ‘Statuut’ ‘van een geheel eigen aard’ su caracter ta cambia pa un Federacion di Reino Hulandes. A worde hasi un estudio di esaki ? Pueblo no a worde puntra si e kier biba den un Federacion di Reino Hulandes …si e ta perde cierto derecho ? Unda e estudio aki ta ? Palabra ta na e partidonan cu ta representa den Staten di Aruba y unanimamente ta boga pa esaki …..te cu nan ta cla pa bai den tencion cu gobierno di Reino Hulandes…pa esaki ?? Boso a splica pueblo e totalidad di e cambio aki ???

Meta principal di PPA cu e articulo aki ta pa defende na prome lugar nos Status Aparte…..e posicion cu nos a logra den Reino Hulandes (prome na anja 1983 na Conferencia di Mesa Redonda pa diez anja como fase transitorio pa Independencia na 1996 y despues na 1993 bao di gab Oduber (MEP, PPA, ADN) a logra ‘schrap’ e fecha di Independencia kedando cu un status aparte pa periodo largo den Reino Hulandes ) …cu e derechonan cu nos tin como pais den Reino Hulandes !!


Aruba, 29 di Januari 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co