{idkey=7432b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3877-rene-herde-avp-renoba-reino-hulandes-mito-croes%3FItemid%3D101][title=Rene+Herd%C3%A9+%28AVP%29%3A+Renoba+Reino+Hulandes+%28Mito+Croes%29][desc=E+Statuut+cu+ta+regla+e+orden+y+organisacion+di+Reino+y+entre+paisnan+den+Reino%2C+ta+un+tema+cu+a+ocupa+mente+y+trabou+di+dr.+Mito+Croes+pa+hopi+a%C3%B1a.+Despues+cu+Aruba+a+logra+haya+su+Status+Aparte+pa+cua+dr.+Mito+Croes+a+crea+e+base+legal%2C+dr.+Mito+Croes+a+fiha+su+bista+riba+e+obstaculonan+den+Reino+pa+Aruba+usa+cu+autonomia+den+forma+optimal.+Ela+publica+masha+hopi+documento%2C+articulo+y+un+thesis+riba+e+tema+di+renobacion+di+Reino.+Entre+a%C3%B1a+2005+y+2016+%28algun+dia+pasa%21%29+dr.+Mito+Croes+a+studi]}
E Statuut cu ta regla e orden y organisacion di Reino y entre paisnan den Reino, ta un tema cu a ocupa mente y trabou di dr. Mito Croes pa hopi aña. Despues cu Aruba a logra haya su Status Aparte pa cua dr. Mito Croes a crea e base legal, dr. Mito Croes a fiha su bista riba e obstaculonan den Reino pa Aruba usa cu autonomia den forma optimal. Ela publica masha hopi documento, articulo y un thesis riba e tema di renobacion di Reino. Entre aña 2005 y 2016 (algun dia pasa!) dr. Mito Croes a studia, analysa, compara y propone un serie di cambio den orden di Reino. Ela publica entre otro e siguiente documentonan scientifico riba e necesidad pa renobacion di Reino.
Reinventing het Koninkrijk (2005), De herdefiniëring van het Koninkrijk (Thesis academico 2006), Het Koninkrijk in domino-perspectief (2005), De herdefiniëring van het Koninkrijk (2006), De reïnvention van het Koninkrijk (2007), De desintegratie van de Nederlandse Antillen (2007), Kiesrecht en Koninkrijksparlement (2008)

CAMBIO NA NIVEL DI REINO
E meta pa trece cambio a surgi for di partido AVP, unda cu tabata tin situacionnan y structuranan cu ta stroba desaroyo di nos pais y nos hendenan. Mescos cu partido AVP a boga y actua pa trece cambio den nos pais, dr. Mito Croes a mustra, argumenta y boga tur caminda pa trece cambio den structura y organisacion di Reino. Desaroyonan den nos pais, den Reino y den mundo, a mustra cu cada pueblo y cada pais ta sigui busca mas forma pa stimula su propio desaroyo den forma autonomo. Ora tin structura y un organisacion of maneho cu ta stroba esaki, e ta crea conflicto. Conciente di cu conflicto ta kita energia y recursonan innecesariamente, dr. Mito Croes a boga pa cambia diferente aspecto di Statuto y di organisacion di Reino Hulandes. Tur cu e meta pa duna nos pais y paisnan di Reino mas espacio pa desaroya nan mes den forma autonomo y den cooperasion cu otro.

AREGLO DI CONFLICTO
Un di e temanan cu a sali di e estudionan di dr. Mito Croes riba renobacion di Reino, ta e areglo di conflicto entre paisnan di Reino. Na 2010 miembronan di Parlamento di Aruba pa partido AVP, Juan David Yrausquin y Rene Herde', a presenta e mocion den Parlamento Hulandes pa creasion di un "areglo di cnflicto" pa Reino. E mocion a wordo accepta, pero parlamento Hulandes y gobierno di Reino no a haci nada cu e tema aki. Riba insistencia di miembronan di Parlamento di AVP for di 2010 y despues cu sosten di tur miembro di Parlamento di Aruba, Corsow y Sint Maarten, e tema aki a keda riba agenda di parlamentonan di Reino. Na 2015 parlamentonan di e cuatro paisnan di Reino a acorda e criterionan pa un areglo di conflicto. Na 2016 a entrega un concepto di ley pa un areglo di conflicto. Speransa ta cu prome cu fin di aña 2016, e concepto di ley pa un a reglo di conflicto lo wordo trata den Parlamento Hulandes. E base pa tur esaki a wordo poni atrobe door di dr. Mito Croes. Su trabou academico y politico, pa hopi decada lo duna parlamentonan di Reino hopi trabou pa haci. Esaki ta djis otro aspecto di e persona excepcional dr. Mito Croes.

Expresionnan haci den e articulo aki no necesariamente ta refleha opinion di ArenaPoliti.co