{idkey=717b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5282-jacky-van-putten-por-arena-politico-ta-dificil-pero-ta-un-paso-necesario-pa-bira-parti-di-e-solucion%3FItemid%3D101][title=Jacky+van+Putten+%28POR%29%3A+Arena+pol%C3%ADtico+ta+dif%C3%ADcil+pero+ta+un+paso+necesario+pa+bira+parti+di+e+solucion][desc=Na+december+2016+%26amp%3Bnbsp%3Bcu+mi+a+postula+mi+mes+como+candidato+pa+e+Plataforma+Nobo+%2C+POR%2C+cu+ta+mas+o+menos+8+siman+pasa%2C+mi+mester+admiti+cu+na+comienso+mi+tabata+masha+nervioso+y+insigur+pa+a+expone+mi+mes+publicamente+den+area+politico+cu+mi+sa+cu+lo+no+ta+facil+mirando+experiencia+cu+mi+a+wak+mi+ruman+homber+Renato+pasa+den+dje+algun+a%C3%B1a+pasa+cu+ta+basta+vengativo.+Pa+un+persona+cu+nunca+a+maneha+un+bida+publico+no+ta+facil%2C+pasobra+bo+ta+bira+blanco+pa+critica+sea+funda+of+no.Manera+e+tempo]}
Na december 2016  cu mi a postula mi mes como candidato pa e Plataforma Nobo , POR, cu ta mas o menos 8 siman pasa, mi mester admiti cu na comienso mi tabata masha nervioso y insigur pa a expone mi mes publicamente den area politico cu mi sa cu lo no ta facil mirando experiencia cu mi a wak mi ruman homber Renato pasa den dje algun aña pasa cu ta basta vengativo. Pa un persona cu nunca a maneha un bida publico no ta facil, pasobra bo ta bira blanco pa critica sea funda of no.

Manera e tempo ta pasa  mi a cuminsa sintimi mas comodo como candidato político danki special na mi casa y mi famia cu a apoya mi desde cu mi a tuma e decision pa forma parti di POR y e reacionnan positivo cu mi ta haya diariamente personalmente of via mi Facebook.  Tur dia mi ta mas confidente cu e paso cu mi a tuma ta lo corecto y cu e Plataforma Nobo lo ta e proximo forsa den politica cu lo bay determina e futuro di nos isla y e bienestar di nos pueblo.  Como nobato den politica e Plataforma ta brindami un oportunidad amplio pa desaroya mi mes den e caminda cu mi a scohe pa ta parti di e solucion y no simplemente para na banda y critica of apoya sin realisa e impacto cu nos por tin. Den e reunionnan semanal cu e politiconan grandi cu nos pais a produci, Otmar Oduber, Andin Bikker y Marisol Tromp bo ta bin forma bo caracter y e plan pa asina por aporta positivamente na nos isla. Deporte ta e rason cu mi a forma parti di e plataforma aki, deporte pasobra mi a inverti mi bida den dje. Mi a traha bou di tur partido y forma parti di tur maneho cu sea tabata bon of malo.

Cu mi 34 aña di experiencia den deporte organisa mi a realisa cu a yega tempo pa mi trece e cambio pa cu e deporte cu merece su atencion debidamente pa nos hobennan y Aruba en general. Esaki mi kier logra dor medio di presenta y implementa diferente programanan y tambe  aloca e finanzas necesario pa por cumpli cu esaki. Nos hubentud mester haya mas oportunidad  pa por desaroya nan mes sanamente bou guia di profesionalnan prepara y capacita.

Como dama den un mundo politico cu te ainda ta domina door di e ser masculino e lo keda un reto grandi pa mi persona. Pero ta tempo cu nos como hende muher capacita y prepara lanta para y bira parti di e solucion. Mi kier a tuma e oportunidad aki pa invita otro damanan cu por trece e diferencia, lanta para y bira parti di nos gobernacion. Tuma e reto mescos cu ami y otro coleganan femenino ta tumando. Nos capacidad, nos experencia, nos toke femenino POR haci e diferencia.

Expresionnan haci den e articulo aki no necesariamente ta refleha opinion di ArenaPoliti.co