{idkey=5765b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F53-gabinete-me-ii-medwork-di-aruba-ta-bay-fungi-como-hub-pa-gigante-hulandes-arbo-unie-den-nos-region%3FItemid%3D101][title=Gabinete+ME+II%3A+MedWork+di+Aruba%2C+ta+bay+Fungi+como+Hub+pa+gigante+Hulandes+ARBO+Unie+den+nos+Region][desc=Otro+ehempel+concreto+di+Aruba+como+Gateway+entre+continentenan+Europeo+y+Americano+ORANJESTAD+-+E+compania+Hulandes+Arbo+Uni+ta+sumamente+interesa+den+e+concepto+Gateway+cu+ta+wordo+promovi+door+di+Gabinete+Mike+Eman.+Dos+ehecutivo+di+e+compania+ta+actualmente+na+Aruba+pa+participa+den+e+%E2%80%98Green+Aruba+-+Where+Europe+Meets+the+Americas%E2%80%99+%28GA-EMA%29+y+a+probecha+pa+bishita+Prome+Minister+Mike+Eman+pa+felicita+e+mandatario+cu+su+pensamento+visionario+riba+tereno+di+durabilidad.+%E2%80%98Green+Aruba+-]}

Otro ehempel concreto di Aruba como Gateway entre continentenan Europeo y Americano

ORANJESTAD - E compania Hulandes Arbo Uni ta sumamente interesa den e concepto Gateway cu ta wordo promovi door di Gabinete Mike Eman.

Dos ehecutivo di e compania ta actualmente na Aruba pa participa den e ‘Green Aruba - Where Europe Meets the Americas’ (GA-EMA) y a probecha pa bishita Prome Minister Mike Eman pa felicita e mandatario cu su pensamento visionario riba tereno di durabilidad.

‘Green Aruba - Where Europe Meets the Americas’ ta tuma luga for di 22 pa 25 di october awor na Aruba. 

Jos van Rooien, Senior Bedrijfsarts di Arbo Unie y Rob de Leeuw, Manager Arbo Unie, a wordo compaña den nan bishita cerca Prome Minister door di Ru Croes di Medwork Aruba. Van Rooien a combersa cu e mandatario riba e proximo ‘Green Aruba - Where Europe Meets the Americas’ y a haci entrega di un brochure di loke Arbo Unie ta haci na Hulanda, unda cu nan ta trahando cu miles di compania y tin haci control di 1.2 miyon trahado. Nan ta un di e companianan di mas grandi den e sector aki na Hulanda. El a haci un entrega di un buki di e compania den cual ta splica nan vision di ‘Traha saludabel’. "Nos ta kere firmemente cu prevencion ta miho cu cura. Ademas cu salud ta e base pa un compania saludabel."

Na final van Rooien a expresa di ta kere firmemente den e concepto di Gateway Aruba pa cual nan ta firmando e siman aki, durante e evento, un acuerdo di cooperacion cu Medwork, cu lo ta nan representante aki na Aruba den e relacion cu nan kier bay crea cu paisnan den bisindario. 

Van Rooien den un declaracion duna. a bisa cu nan kier uza e posicion strategico di Aruba pa trece nan conocemento pa e area aki. Green Aruba ta trata e tema di durabilidad cu nan ta masha interesa den dje. El a splica cu Arbo Unie kier traha hunto cu Medwork riba tema di durabilidad y ofrece nan conocemento riba tereno di Arbo (labor) na e companianan den area Caribense y tambe di e continente Americano. E intencion ta pa ta un centro di conocemento hunto cu Medwork na Aruba, no solamente pa brinda nan servicio, pero tambe desaroya conocemento cu por wordo exporta. "E ta loke nos ta yama un 'win-win situacion', pasobra no solamente ta dushi pa ta na Aruba cu ta agradabel, pero tambe hunto cu partnernan local cu conoce e mercado bon, nos ta bay plama e conocemento. Aki na Aruba tin hopi posibilidad," el a duna di conoce.

E tabata masha positivo pa cu e pensamento di Prome Minister Eman pa crea un gateway aki pa cu resto di e areanan den bisindario. "Sigur nos ta kere den e pensamento aki, den e construccion cu un gateway pa duna forma na e venta di servicio y conocemento cu resto di region. Aruba tin su posicion strategico, tin un bon relacion cu Hulanda. E formula di gateway ta e motibo cu nos ta na Aruba awe," el a duna di conoce.

Expresionnan haci den e articulo aki no necesariamente ta refleha opinion di ArenaPoliti.co