{idkey=675b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5472-otmar-oduber-por-partido-por-a-reuni-cu-svb-y-ta-presenta-puntonan-di-atencion-aki-dos-siman%3FItemid%3D101][title=Otmar+Oduber+%28POR%29%3A+Partido+POR+a+reuni+cu+SVB+y+ta+presenta+puntonan+di+atencion+aki+dos+siman][desc=Despues+di+reuni+cu+OPPA+y+APFA+%26amp%3Bnbsp%3B+%26amp%3Bnbsp%3BSiman+pasa+partido+POR+a+sinta+cu+SVB+caminda+a+hiba+conversacionnan+den+cual+a+concentra+hopi+riba+e+aspecto+di+pension.+Segun+lider+di+e+partido+Otmar+Oduber+esaki+ta+algo+cu+su+colega+Andin+Bikker+a+trece+dilanti+na+diferente+ocasion+den+Parlamento.+POR+ta+para+pa+flexibilidad+di+edad+di+pension%2C+teniendo+na+cuenta+circunstancianan+laboral+diferente+di+e+ciudadanonan%2C+como+tambe+e+bienestar+di+e+fondo.Na+e+momentonan+aki+e+suma+cu+cada+ciudadano+lo]}
Despues di reuni cu OPPA y APFA    

Siman pasa partido POR a sinta cu SVB caminda a hiba conversacionnan den cual a concentra hopi riba e aspecto di pension. Segun lider di e partido Otmar Oduber esaki ta algo cu su colega Andin Bikker a trece dilanti na diferente ocasion den Parlamento. POR ta para pa flexibilidad di edad di pension, teniendo na cuenta circunstancianan laboral diferente di e ciudadanonan, como tambe e bienestar di e fondo.

Na e momentonan aki e suma cu cada ciudadano lo por cobra como pension di behez ta rond di mas o menos 1100 Florin, plus 100 Florin di reparatie toeslag, cu ta suma na mas o menos1200 Florin y rond di 1850 Florin pa un pareha. Sinembargo e averahe di e totalidad di personanan cu ta cobrando un Algemene Ouderdomsverzekering (AOV), na 2016, tabata rond di 600 Florin. Esaki kiermen cu a pesar cu ta papia di un pension di 1200 Florin, e averahe entre esnan cobrando pension den nos comunidad ta di 600 Florin, cual ta mitad di e suma, sr. Oduber a enfatisa. ‘Esaki ta un gran preocupacion y mester dune atencion, pasobra segun cifranan suministra pa SVB ta mustra cu 80 porciento di esnan cu pension ta depende solamente riba un pension di behez (AOV). Cu e cifranan aki conoci, ta mas cu claro cu e calidad di bida di nos pensionadonan ta den peliger.

Esaki kiermen cu nos pensionadonan no ta alcansa di tin un bida digno bou di e situacionnan cu nos tin actualmente. Ademas di esey a mira cu pa motibo di cu kier salvaguardia e fondo di pension, desicionnan a wordo tuma pa pusha esaki te na 65 aña den fase. A pesar di esaki, POR ta bisa cu mester por distingi den e calidad di bida cu un persona tabatin te na momento cu e yega na su edad di pension. ‘Nos sa cu na Aruba cu e clima cu nos ta biba den dje y tambe e tipo di trabou cu nos hendenan ta eherce, hopi biaha ta hacie hopi dificil pa un hende yega na un situacion sano te na e edad di 65. Pesey como partido nos a bisa cu nos si lo bin cu un oferta pa comunidad caminda lo tin e flexibilidad pa hende scohe si nan ta bay prome cu e edad di pension aki’, Oduber ta duna di conoce.

Cu e informacion ricibi, Partido POR lo bay presenta proximamente su puntonan di atencion y accion riba e tema di pension. Contrario na e pensamento di Gobierno y algun miembronan di Parlamtento cu no kier ni trata e posibilidad pa un alternativa pa loke ta edad di pension, POR ta para pa e calidad di bida di e ciudadano na prome luga y pues mester explora e posibilidadnan cu tin, sr. Oduber a termina bisando.

Expresionnan haci den e articulo aki no necesariamente ta refleha opinion di ArenaPoliti.co