{idkey=4474b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F809-mireille-sint-jago-mep-ken-e-gobierno-actual-ta-sirbi%3FItemid%3D101][title=Mireille+Sint+Jago+%28MEP%29%3A+Ken+e+Gobierno+actual+ta+sirbi%3F][desc=E+bandera+cu+e+color+blauw+%23279+ta+mi+bandera%3F+E+Gobierno+Eman+II+a+tuma+un+decision+cu+pueblo+di+Aruba+a+pidi+p%26%23039%3Be%3F%3F+Si+e+Gobierno+aki+no+ta+representa+pueblo%2C+si+e+no+ta+consulta+pueblo%2C+si+e+no+ta+sirbi+pueblo%2C+e+por+yama+su+mes+Gobierno+di+pueblo+di+Aruba+ainda%3F+%26quot%3BEsaki+NO+ta+mi+bandera+y+e+Gobierno+aki+NO+ta+mi+Gobierno.%26quot%3B+Esey+ta+locual+ta+resona+riba+caya.+Un+Gobierno+cu+ta+traha+pa+hiba+su+pais+dilanti%2C+cu+ta+maneha+finansas+publico+na+un+manera+responsabel+y+cu+ta+cuida+e+futuro+generacion]}E bandera cu e color blauw #279 ta mi bandera? E Gobierno Eman II a tuma un decision cu pueblo di Aruba a pidi p'e?? Si e Gobierno aki no ta representa pueblo, si e no ta consulta pueblo, si e no ta sirbi pueblo, e por yama su mes Gobierno di pueblo di Aruba ainda? "Esaki NO ta mi bandera y e Gobierno aki NO ta mi Gobierno." Esey ta locual ta resona riba caya.

Un Gobierno cu ta traha pa hiba su pais dilanti, cu ta maneha finansas publico na un manera responsabel y cu ta cuida e futuro generacion, esey ta e mihor Gobierno cu un pais por pidi p'e. Un Parlamento cu ta controla e Gobierno y cu ta acepta y respeta su mes como e organo mas halto di su pais, ta discuti den reunionnan (publico) a base di contenido y cumpli cu leynan. Esey ta un Parlamento cu ta sirbi su pais. Pues e pregunta ta, e gobierno aki ta sirbi nos? E Parlamenrarionan cu ta aproba tur presupuesto sin controla, ta representa nos?

A base di e resultadonan di investigacionnan haci door di IMF, CFT, Standard and Poors, pero tambe a base di cosnan cu nos ta wak cu nos mesun wowo: Un bandera cu no ta di nos! nos mester puntra nos mes si Pais Aruba tin un Gobierno cu ta sirbi pueblo di Aruba. Nos tin cu puntra nos mes si nos Parlamento ta funciona manera stipula den ley. Ta ken a duna e Gobierno e confiansa aki? Locual ta ser duna, por wordo kita. Por confia un Gobierno cu ta cambia nos bandera?

P'esey, ami ta ripiti akinan e opinion publico cu mi a tende durante e celebracionnan di nos Himno y Bandera riba dia 18 di Maart: "Esaki NO ta mi bandera y e Gobierno aki NO ta mi Gobierno." Nos mester di un parlamento cu e cantidad di digno representantenan no por wordo conta solamente riba e dedenan di dos man, pero cu ta existi di 21 representante di pueblo di Aruba... Esey ta locual falta! P'esey, pa mi, actual Aruba no tin un Gobierno. Ken Minister President Mike Eman, su 8 Ministernan y su Parlamentarionan ta sirbi, a mi no sa, pero e no ta pueblo di Aruba. Pues ora mi wak e bandera cu e color #279, e ta corda mi cu esey NO ta mi bandera y e Gobierno cu a cambia esaki NO ta mi Gobierno. Mi ta sinti cu poco poco e buchi di pueblo di Aruba a yena y e siguiente eleccion, Aruba lo regla e cuenta aki. Por confia cu ora MEP ta mando, nos lo drecha nos bandera bek manera e mester ta.

Gisele-Mireille Sint Jago

Expresionnan haci den e articulo aki no necesariamente ta refleha opinion di ArenaPoliti.co