{idkey=8607b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F850-chris-romero-mep-hedging-incorecto-a-conduci-cu-ni-si-aruba-haya-heavy-fuel-oil-regala-prijs-di-awa-y-coriente-lo-no-baha%3FItemid%3D101][title=Chris+Romero+%28MEP%29%3A+Hedging+incorecto+a+conduci+cu+ni+si+Aruba+haya+heavy+fuel+oil+regala%2C+prijs+di+awa+y+coriente+lo+no+baha%21][desc=Nos+pueblo+despues+di+un+periodo+largo+keto+bay+ta+wordo+perhudica+door+di+e+hedging+efectua+door+di+WEB+riba+instruccion+y+cu+consentimento+di+Gabinete+Eman.+Relaciona%26amp%3Bnbsp%3Bcu+esaki+nos+kier+a+trece+dos+punto+padilanti%3A+1%29+nos+kier+sa+si+a+implementa+%E2%80%9Ccashback%E2%80%9D+ora+a+bay+di+acuerdo+cu+contractnan+di+hedging+a+termino+largo%2C+2%29+splicacion+basico+di+hedging.+No+solamente+e+nificacion+di+hedging+ta+importante+pero+tambe+con+e+procedura+ta+hinca+den+otro.Aruba+a+paga+di+mas+cabaManera+ya+ta+con]}
Nos pueblo despues di un periodo largo keto bay ta wordo perhudica door di e hedging efectua door di WEB riba instruccion y cu consentimento di Gabinete Eman. Relaciona cu esaki nos kier a trece dos punto padilanti: 1) nos kier sa si a implementa “cashback” ora a bay di acuerdo cu contractnan di hedging a termino largo, 2) splicacion basico di hedging. No solamente e nificacion di hedging ta importante pero tambe con e procedura ta hinca den otro.

Aruba a paga di mas caba
Manera ya ta conoci Gabinete Eman tawatin e deseo di stabilisa prijs di coriente y door di esaki a duna  e Hunta di  Comisario di WEB e instruccion pa hedge. Loke nos mester remarca ta cu nunca bo por stabilisa prijs di coriente pa e pueblo pero si a hacie posibel cu gastonan operacional di WEB keda stabiel a costo di pueblo. Pueblo ta esun cu ta haci uzo di coriente y esaki ta varia pa cada cas tur luna. Cu otro palabra pueblo no ta bay ripara cu a hedge si of no. Tumando e 4 ultimo lunanan bou consideracion y e cifranan conoci den e feitenonderzoek presenta, bo por conclui cu cada famia por tawatin por lo menos 500 florin extra den nan cartera. E caso aki ta uno grave pasobra Aruba a paga entre 30 pa 40 miyon florin di mas caba y ainda falta. Te ainda e ta incomprendibel cu minister De Meza y minister Eman no a tuma honor na nan mes y tuma nan retiro.

Fayo den proceso di hedging
Bo ta papia di “cashback” ora cu bo cera contract di hedge pa termino largo y esaki ta brinda bo posibilidad di haya un suma di buelta. Ora di paga un compania di seguro di mas pa un termino largo bo lo haya un percentahe di e suma aki bek cual ta varia entre 10%-20% dependiendo con grandi e perdida ta. Den principio esnan cu a hedge lo mester a tene cuenta cu esaki.  Si e grupo di hedge a haci esaki corecto Aruba lo por a haya entre 20 pa 40 miyon florin bek. Ta di lamenta cu nos no a tuma nota di esaki den e documentonan. Tur cos ta indica cu lagamento di e cashback ta otro fayo mas den e proceso di hedging.

Prijs di coriente lo no baha
Manera mi a bisa caba mi lo duna un ehempel di hedging lo mas simpel posibel. Ban bisa bo ta uza 10 bari di awa pa luna y ta paga 90 florin pa cada bari. A resulta cu desaroyonan mundial a conduci cu esaki a bira 5 florin, pues bo lo paga 50 florin. Pero importante di esaki ta cu bo a spaar 40 florin RIBA BO UZO DI 10 BARI. E manera con gobierno a laga haci e proceso di hedge, ni cu prijsnan bira cero of cu haya esaki regala e lo no tin diferencia pa e consumidor mas pasobra den e ehempel cu mi a duna Aruba lo keda paga e 90 florin aunke tawatin cambio. Ta di lamenta cu Aruba a wordo mara na un suma pa uzo di heavy fuel oil y ni cuanto prijs baha of nos haya esaki regala mes, prijs di coriente lo no baha pa e consumidor.

Expresionnan haci den e articulo aki no necesariamente ta refleha opinion di ArenaPoliti.co