{idkey=5492b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1370-minister-sevinger-pa-gabinete-mike-eman-i-y-ii-e-infrastructura-economico-y-e-infrastructura-social-ta-di-igual-importancia%3FItemid%3D101][title=Minister+Sevinger%3A+Pa+Gabinete+Mike+Eman+I+y+II+e+infrastructura+economico+y+e+infrastructura+social+ta+di+igual+importancia][desc=Y+ta+complementa+otro%26amp%3Bnbsp%3B+ORANJESTAD+%E2%80%93+E+acercamento+cu+Gabinete+Mike+Eman+I+y+II+tin+pa+cu+e+desaroyo+di+pais+Aruba+ta+basa+riba+e+deseo+di+prosperidad+financiero%2C+pero+tambe+den+calidad+di+bida%3B+esey+y+e+conseho+y+analisis+di+experto.+%E2%80%9CYa+caba+for+di+oposicion+y+prome+cu+a+drenta+gobierno+a+haci+estudio+entre+e+diferencia+economico+turistico+cu+nos+pais+a+pasa+den+dje+durante+ultimo+25+anja%2C%E2%80%9D+asina+Minister+Benny+Sevinger+a+splica.+%E2%80%9CBasa+riba+esaki+a+tuma+nota+di+un+diferencia+enorme]}
Y ta complementa otro 

ORANJESTAD – E acercamento cu Gabinete Mike Eman I y II tin pa cu e desaroyo di pais Aruba ta basa riba e deseo di prosperidad financiero, pero tambe den calidad di bida; esey y e conseho y analisis di experto. “Ya caba for di oposicion y prome cu a drenta gobierno a haci estudio entre e diferencia economico turistico cu nos pais a pasa den dje durante ultimo 25 anja,” asina Minister Benny Sevinger a splica. “Basa riba esaki a tuma nota di un diferencia enorme entre nos hotelnan di 5 strea cu e resto di e pais.”

E infrastrutura social no tabata di 5 strea. Cu esaki ta referi na casnan pa anciano, caretera y scolnan, entre otro. Pesey a determna, ya for di e tempo ey cu mester haci mehoracion na tur nivel. No por tabatin escogencia entre un y otro; tur mester haya atencion. Y esey ta loke Gabinete Mike Eman I y II a bin ta haci tambe. Durante ultimo seis anja Gobierno di Aruba ta trahando riba mehoracion di producto Aruba den su totalidad.

Na 2009 a haya un pais caminda mas cu 30 scol tabatin mester di renobacion. Formando un ekipo di experto local y internacional a haci un inventario di e situacion y a traha un lista di prioridad. Asina a cuminsa drecha un pa un e edificionan publico. A conoce renobacion di La Salle College y Dominicus College na Oranjestad, Abraham de Veer na San Nicolas y actualmente Colegio San Antonio na Santa Cruz, entre otronan.  Asina ta sigui tambe cu mirada riba futuro tambe. Un ehempel ta e proyecto di MAVO/HAVO na Noord ta casi cla pa bay Parlamento.

Mientras cu Minister di Enseñanza ta traha riba curriculum, Minister di Infrastructura ta traha riba edificionan di scol. Mientras cu Minister di Turismo ta traha riba promocion di Aruba, Minister di Infrastructura ta traha riba e mehoracion di areanan turistico, Waf Crucero y Linear Park. Y mientras Minister di Salud ta traha riba sistema di cuido medico, Minister di Infrastructura ta traha riba expansion y renobacion di Hospital. Un manera integral cu Gabinete Mike Eman ta traha na beneficio di pais Aruba.

E titular di Infrastructura, Minister Oslin Benny Sevinger a splica cu e cuater proyecto grandi cu Gabinete Mike Eman II ta ehecutando actualmente, esta Hospital, Waf nobo di Barcadera, Watty Vos Boulevard y Green Corridor ta un parti importante di henter e master plan pa Aruba, pasobra nan tin como obhetivo pa aporta na e mehoracion di nos economia en general y hunto cu ne produci e entrada cu ta bay pa drecha mas scol y barionan rond di e isla.

“Ta un combinacion di un economia pa haci mehoracion. Ningun pais na mundo por bisa cu ta traha scol y caminda y kere cu esey ta bay genera entrada. For di esun mas pober te na esun mas rico, mester trece un balans. E Gobierno aki a dicidi cu tur ta haya; scol, cas di anciano….” Minister Sevinger a declara. “Na momento cu Green Corridor ta cla, tur bario ta haya mehoracion. Ta un proyecto total, no djis un caminda di asfalt. Pesey e ta asina importante y nos ta contento cu finalmente ta bay cuminsa.”

Expresionnan haci den e articulo aki no necesariamente ta refleha opinion di ArenaPoliti.co