{idkey=4667b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F161-benny-sevinger-avp-proyectonan-di-e-tipo-aki-ta-tene-nos-cultura-nos-estilo-di-bida-na-aruba-riba-un-nivel-halto%3FItemid%3D101][title=Benny+Sevinger+%28AVP%29%3A+Proyectonan+di+e+tipo+aki+ta+tene+nos+cultura%2C+nos+estilo+di+bida+na+Aruba+riba+un+nivel+halto][desc=Proyecto+di+%E2%80%98Remodelacion+di+Cas+di+Gobernador%E2%80%99+ta+un+proyecto+cu+infra-team+di+Ministerio+di+Infrastructura+a+asigna+na+Monumentenbureau+pa+coordina.+E+proyecto+ta+parti+di%26amp%3Bnbsp%3B+mas+di+19+proyecto+den+y+rond+di+centro+di+ciudad+cu+Gabinete+Mike+Eman+a+completa+of+ta+den+proceso.+E+proyectonan+ta+parti+di+un+vision+total+pa+Pais+Aruba%2C+cual+a+pone+producto+Aruba+na+prome+luga.+E+proyectonan+chikito%2C+manera+esaki%2C+ta+loke+ta+concretisa+e+vision+grandi+cu+ta+crea+un+producto+na+final+cu+Aruba]}

Proyecto di ‘Remodelacion di Cas di Gobernador’ ta un proyecto cu infra-team di Ministerio di Infrastructura a asigna na Monumentenbureau pa coordina. E proyecto ta parti di  mas di 19 proyecto den y rond di centro di ciudad cu Gabinete Mike Eman a completa of ta den proceso. E proyectonan ta parti di un vision total pa Pais Aruba, cual a pone producto Aruba na prome luga. E proyectonan chikito, manera esaki, ta loke ta concretisa e vision grandi cu ta crea un producto na final cu Aruba por ofrece su industria turistico pa e por bira uno sostenibel. Y Minister di Infrastructura Benny Sevinger a splica cu e vision ta importante tambe pa un miho calidad di bida pa nos hendenan.

“Esaki tambe ta trece cu ne cu bo mester un team pa bo por ehecuta e proyectonan aki. Nos tin monumentenbureau cu a haci e diseño, ta haci e controlnan y esun cu ta encarga pa termina e proyecto aki. Un palabra di pabien na Yvonne, Daphny y tur e trahadornan cu a haci un tremendo trabou y ta haci un tremendo trabou,” Sr. Sevinger a enfatisa. “Partnernan cu ta e contratistanan den e mesun proyecto di grandi te chikito, onder aannemernan, tur cu ta join nos den e proyectonan aki, den e caso aki, un palabra di pabien na Felipe Construction cu ta esun cu a gana e proyecto aki. Nos ta bisa cu for di awo caba bo por mira cu e proyecto aki ta un proyecto bunita y e ta di un calidad cu lo pertenece pa hopi aña pa futuro generacionnan.”

Sr. Sevinger a splica cu a papia den 'Green Conference', sostenibilidad cu bo ta pasa un miho producto pa e futuro generacionnan y “cu tipo di proyectonan asina aki ta un bon ehempel di esaki, teniendo nos cultura, teniendo nos estilo di bida aki nan na Aruba riba un nivel halto.”

Minister Sevinger tabata tin palabranan di pabien na pueblo di Aruba cu e bunita proyecto aki y a gradici Minister president pa e vision cu a aporta na revistalisacion di Aruba en general y producto Aruba en particular di un manera nunca antes bisto.

Na 2009 Gabinete Mike Eman a pone e vision cu a busca un caminda nobo pa conecta e bienestar y crecemento di Pais Aruba miho cu e calidad di bida na Aruba.  E inversionnan cu a haci pa Pais Aruba, no unicamente tin cu conduci na crecemento economico, pero tambe na un mehoracion social.

Inversionnan extenso na Aruba ta inclui renobacion urbano, den bario, di infrastructura y renobacion di scolnan rond di nos isla. E proyecto ‘Remodelacion di Cas di Gobernador’ ta un parti integral di e prome fase di revitalisacion di Aruba, cu a cuminsa na aña 2009.

Expresionnan haci den e articulo aki no necesariamente ta refleha opinion di ArenaPoliti.co