{idkey=3305b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1770-benny-nisbet-ppa-introduccion-di-parkeermeters-otro-ehempel-di-mal-gobernacion-abuso-di-poder-y-un-descriminacion-sin-misericordia%3FItemid%3D101][title=Benny+Nisbet+%28PPA%29%3A+%26quot%3BIntroduccion+di+parkeermeters+....Otro+ehempel+di+mal+gobernacion%2C+abuso+di+poder+y+un+descriminacion+sin+misericordia...%21%21][desc=Un+medida+cu+ta+causando+hopi+mas+dolor+y+frustracion+cu+gobierno+Eman+a+estima+ta+e+introduccion+descabeya+di+parkeermeters+den+centro+di+Oranjestad.+Esaki+na+un+momento+cu+e+pueblo+di+aruba+y+segur+esnan+cu+un+entrada%2Fsalario+minimo.Introduccion+di+parkeermeters+den+centro+di+oranjestad+a+crea+rabia%2C+frustraccin+y+un+descriminacion+di+otro+mundo.+Sin+kita+afor+cu+tin+hopi+pregunta+si+henter+e+organisacion+%E2%80%98staf+y+personal%E2%80%99+di+Aruparking+lo+ta+cumpli+cu+tur+articulo+den+e+ley+pa+nan+por+leg]}
Un medida cu ta causando hopi mas dolor y frustracion cu gobierno Eman a estima ta e introduccion descabeya di parkeermeters den centro di Oranjestad. Esaki na un momento cu e pueblo di aruba y segur esnan cu un entrada/salario minimo.

Introduccion di parkeermeters den centro di oranjestad a crea rabia, frustraccin y un descriminacion di otro mundo. Sin kita afor cu tin hopi pregunta si henter e organisacion ‘staf y personal’ di Aruparking lo ta cumpli cu tur articulo den e ley pa nan por legalmente ejecuta nan trabao.

MOTIBO DI COBRA PA PARKEER:
E motibo pa cobra pa parkeer ta sinta den e hecho cu gobierno a crea un crisis financiero di otro mundo y a dicidi pa stop di subsidia Arubus NV. Fuera di esey nan a aumenta e gastonan di Arubus NV cu e gastonan di e tram….consecuentemente a funda un ARUPARKING junto cu ‘friends & family’ y a hinca esaki den stoma di pueblo pa saca e suma di ‘subsidio’ y gastonan di e tram y mas for di saco di pueblo.

Suma di cobranza:
Mester anota cu tur caminda publico, trottoir y parkeerplaats a worde construi cu fondo publico esta fondo di pueblo kaba. Awor kier cobra pueblo pa parkeer riba locual ta di pueblo y paga pa pueblo kaba.

Na promer lugar cobra f. 2,-- pa ora pa parkeer bo auto no ta cuadra cu realidad ora cu un ciudadano cu bai hasi compra den 90 % di caso no ta keda cla den 1 hora…….menos ainda e ciudadano cu ta bai un oficina di gobierno pa un servicio tampoco ta keda cla den 1 hora….cual ta nifica cu e ciudadano lo mester paga f. 4,-- minimalmente y cual kada vez lo nifica (f. 4,00 : 1,350) cual ta 3 % di e ‘take home pay’ di e clase trahador.

Pa locual ta trata e trahador cu ta ejerce cu labor den centro di Oranjestad cual ta un 40 % trahador di pacus y un 50 % trahador di gobierno lo mester paga f 75,00 mensual cual ta nifica f. 900,-- pa luna. Pa un trahador cu salario minimo cu nan ‘take home pay’ ta nifica (75,-- : 13,50) cual ta nifica 5.5 % di nan ‘take home pay’ un porcentahe enorme pa bo kita for di un trahador humilde…!! Pa colmo e introduccion aki mester worde jama un ‘descriminacion’ den e forma cu gobierno ta trata trahador pasobra ta solamente e trahador na Oranjestad ta hanja su mes ta paga e suma aki mensualmente. Ningun momento PPA ta boga pa cobra lo demas pero cu nos kier mustra con introduccion di e sistema di parkeer a worde hasi sin a pensele debidamente, ad hoc of descabeya.

Na di dos lugar……Sistema di parkeer majoria vez ta worde introduci cu un meta pa drecha un ‘chaos’ pero cual introduccion jamas mag mishi cu e ‘saco’ di pueblo den un forma desproporcional. Aki na Aruba entroduccion di e sistema aki a crea mas ‘chaos’ y ta desproporcional den diferente forma.

PPA ta pronostica cu si gobierno no para e introduccion aki den futuro Arubus lo keda cu cientos di auto riba nan tereno di parkeer cu NO ta worde busca …pasobra e suma cu lo crece ‘substancialmente’ cu e donjo di un auto simple lo mester paga lo ta di tal altura cu hopi den pueblo lo scoge pa larga nan auto den man di Arubus numa …cu consecuencia dramatico cu cuerpo di polis tambe tin experencia cunele.

Diferente negoshi grandi ta worde severamente perjudica igual diferente departamento di gobierno manera departamento social nan cliente y trahador ta worde severamente perjudica asina tin varios otro departamento cu e bishita di nan cliente a cai dramaticamente durante e siman cu a pasa.

Den Oranjestad mes tin un chaos di otro mundo….pueblo ta busca un lugar pa para na ‘rand’ di Oranjestad pa nan kana bai centro causando un chaos na rand di oranjestad. Otro phenomeno ta cu nos por a nota cu varios auto ta jega ….baha un famia cu ta bai hasi compras of busca un servicio mientras cu e chauffeur ta bai ‘dal un of mas rond’ of ta bai busca un lugar di para den e chaos na rand di Oranjestad….pa despues ora esun cu a bai den centro jamele pa e bin buscele.

En corto…..Centro di Oranjestad a cambia…..e ta mustra un ciudad bashi, hopi parkeerplaats sin uso, hopi ciudadano cu a dicidi cu nan NO ta bai Oranjestad mas pero lo hasi nan compras den otro districto. Esaki e maneho descabeya di gabinete Mike Eman a causa….primeramente AVP a mata San Nicolas cu ‘San Nicolas ta dead as dead can be’ awor e mesun AVP ta matando Oranjestad y otro districto nan turno pa come sla tambe lo jega tanten cu e gobierno aki ta na mando. !!

PPA ta di opinion cu gobierno Mike Eman mester para e introduccion di parkeermeters y continua cu nan subsidio na Arubus NV y nos kiermen subsidio di pasado y e suma extra cu e ‘servicio di tram’ ta trece cunele. Pueblo no por paga pa ‘pato cu pueblo no a mata’ !

Aruba, 11 di september 2015

LIDER POLITICA DI PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co