{idkey=8096b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2490-benny-nisbet-ppa-pa-locual-ta-trata-e-projecto-di-parkeermeters-makako-ta-junga-cu-wowo-di-su-jui-te-ora-e-sacele-tene-cuidao%3FItemid%3D101][title=Benny+Nisbet+%28PPA%29%3A+%26quot%3BPa+locual+ta+trata+e+projecto+di+%26%23039%3Bparkeermeters%26%23039%3B+.....Makako+ta+junga+cu+wowo+di+su+jui+te+ora+e+sacele%E2%80%A6%E2%80%A6.tene+cuidao+%21%21%26quot%3B][desc=Esun+cu+ta+di+opinion+cu+pueblo+a+accepta+e+projecto+di+%E2%80%98parkeermeters%E2%80%99+simpelmente+tin+e+deseo+di+keda+ciego+pa+e+realidad+cu+pueblo+a+rechasa+e+introduccion+di+parkeermeters+den+tur+sentido+di+palabra.+%26amp%3Bnbsp%3BDi+parti+di+PPA+nos+por+comprende+e+problema+cu+e+Ministro+responsabel+pa+e+fracaso+aki+esta+minister+Otmar+Oduber+%26amp%3Bnbsp%3Btin.+Na+prome+lugar+pa+accepta+cu+e+projecto+aki+a+fracasa+den+tur+sentido+di+palabra+y+cu+pueblo+di+Aruba+a+%26amp%3Bnbsp%3Brechasa+esaki+%21%21+Na+di+dos+lugar+e+hecho+cu+e+m]}
Esun cu ta di opinion cu pueblo a accepta e projecto di ‘parkeermeters’ simpelmente tin e deseo di keda ciego pa e realidad cu pueblo a rechasa e introduccion di parkeermeters den tur sentido di palabra.  Di parti di PPA nos por comprende e problema cu e Ministro responsabel pa e fracaso aki esta minister Otmar Oduber  tin.

1. Na prome lugar pa accepta cu e projecto aki a fracasa den tur sentido di palabra y cu pueblo di Aruba a  rechasa esaki !!
2. Na di dos lugar e hecho cu e ministro ta sinta cu un organisacion esta ARUPARKING cu lo tin alrededor di un 30 trahador cu e ministro no sa kiko pa hasi cu nan si e mester pone un punto final na e projecto fracassa aki !!
3. Na di tres lugar na momento cu pone un paro tras di esaki, gobierno lo mester sigui paga e ‘subsidio’ na Arubus NV cual lo ta core den alrededor di 4 million florin.

E motibonan aki ta pone cu  kier continua cu e projecto fracasa di ‘parkeermeters’  ni maske ki dolor el a causa pa tanto comercio di Oranjestad, trahador  di Oranjestad y  e pueblo en general. Unda cu mi a move den e dianan di fiesta un di e topiconan mas discuti  di  anja aki ta resulta….:1. E  entrego di Autonomia, 2. E fracaso di e projecto di parkeer  y  3. E  forma cu Prome Ministro Mike Eman ta trata Ministro Bermudez como un mucha  chjkito !! Y esey ta e realidad amargo pa gobernantenan.

E informacion cu lo tin intencion pa expande e  projecto di ‘parkeermeters’ den direccion di Hotelnan y despues pa San Nicolas ta simpelmente  e ejempel  esta cu ‘Makako ta junga cu wowo di su jui te ora cu e sacele !”. A destrui comercio di Oranjestad awor kier bai destrui comercio  na nos hotelnan tambe.

PPA a publica kaba cu ‘E projecto fracasa y odea pa majoria di pueblo  mester worde para inmediatamente !!”. PPA ta conseha Ministro Otmar Oduber publicamente pa NO pega e barco   aki pa continua cu e  projecto di ‘parkeermeters’  e ta mal ejecuta fuera cu e ta un abuso di pueblo. Ta un hecho cu TUR infrastructura existente na Aruba a worde ejecuta  cu belasting di pueblo di Aruba…esta nos careteranan, nos troittoirnan, nos parkeerplaatsnan etc….  Pueblo a paga anjas largo su ‘nummerplaatbelasting’  y e fondo aki di pueblo a paga pa TUR nos infrastructura. Pa bai cobra pueblo atrobe pa uso di su propio  infrastructura ta simpelmente un ABUSO di otro mundo.

Un vez mas PPA ta conseha gobierno di Mike Eman y Ministro Otmar Oduber pa pone un PARO inmediato  na e projecto FATAL ejecuta y odea pa gran majoria di pueblo.

Aruba 27 di December 2015                               Lider Politico di PPA

                                                                                BENNY NISBET

Expresionnan haci den e articulo aki no necesariamente ta refleha opinion di ArenaPoliti.co