{idkey=3421b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2369-benny-nisbet-ppa-elimina-parkeermeters-pueblo-di-aruba-a-rechasa-e-abuso-aki-duna-pueblo-su-libertad-bek%3FItemid%3D101][title=Benny+Nisbet+%28PPA%29%3A+%26quot%3BElimina+parkeermeters%2C+pueblo+di+Aruba+a+rechasa+e+abuso+aki+......Duna+pueblo+su+libertad+bek%21%21%26quot%3B][desc=Pueblo+di+Aruba+pa+decadanan+largo+tabatatin+e+derecho+di+parkeer+liber+aki+na+Aruba%E2%80%A6..esaki+tabata+ensera+parkeer+segun+cierto+regla+pero+sin+paga+nada.+Y+esaki+tabata+logico+pasobra+ja+pueblo+pa+medio+di+su+belasting+%28inkomstenbelasting%2C+invoerrechten%2C+nummberplaatbelasting+y+bbo+a+paga+pa+tur+e+infrastructura+di+caretera%2C+trottoirs%2C+parkeerplaats+etc.+E+hecho+cu+e+maneho+financiero+di+x-+minister+Mike+de+Meza+alias+THE+MESS+a+causa+un+desaster+financiero+di+tal+grado+cu+gobierno+no+tin+fond]}
Pueblo di Aruba pa decadanan largo tabatatin e derecho di parkeer liber aki na Aruba…..esaki tabata ensera parkeer segun cierto regla pero sin paga nada. Y esaki tabata logico pasobra ja pueblo pa medio di su belasting (inkomstenbelasting, invoerrechten, nummberplaatbelasting y bbo a paga pa tur e infrastructura di caretera, trottoirs, parkeerplaats etc. E hecho cu e maneho financiero di x- minister Mike de Meza alias THE MESS a causa un desaster financiero di tal grado cu gobierno no tin fondo pa paga e ‘subsidio’ na ARUBUS mas. Y pa reemplaza esaki gabinete Mike Eman (AVP) a crea e sistema di parkeer iniciando cu Centro di Oranjestad pero lo tin intencion di introduce esaki banda di e hotelnan y na otro districto di Aruba den futuro.

E introduccion di e sistema aki p/m di ARUPARKING a causa un malcontento di otro mundo den nos sociedad. A bin cu un sistema fuera di balans. E hecho cu ta cobra un f. 4,-- pa un hora compara cu na Corsow unda ta cobra f. 1,-- ta bisa suficiente !! E hecho cu ta pone un ‘klem’ riba propiedad di ciudadano pa un simple ‘overtreding’ y ta cobra f. 75,-- pa hora pa tres hora pa despues ta asina ABUSADOR pa hiba e auto propiedad di pueblo un otro caminda y ta cobra f. 150,-- pa hibele y ainda mas pa wardele y na Corsow NO ta mishi cu e propiedad di pueblo ….ta plak un stempel y nada mas. Esaki ta demonstra cu na Aruba e meta tabata abusa di poder di gobierno….abusa di pueblo consumidor….abusa door di forza un pago mucho halto y abusa door di usa ‘klem’ cu ningun momento ta justifica …..PPA ta sorprendi cu te na e momento aki no a sosode conflictonan mucho mas serio entre pueblo y e trahadornan di Aruparking !!

A perjudica nos comercio di Oranjestad, a perjudica e pueblo/consumidor cu ta evitando di bai Oranjestad pa no hanja ‘klem’ na nan auto, a perjudica e trahadornan cu ta labora den centro di Oranjestad. Apesar cu gobierno p/m di ministro Otmar Oduber y Aruparking mes a keda declara cu e sistema nobo di cobra pa parkeer lo no ta perjudica comercio e solo hecho cu un commission di comerciante a pidi gobierno pa no cobra durante luna di December ta suficiente……..e ta nifica cu comerciante ta hopi malcontento. E informacion di e benta den centro di Oranjestad a cai cu 50% y cu esaki lo a aumenta na otro sitio na Aruba unda no ta cobra pa parkeer ta bisa suficiente.

PPA ta di opinion cu e alternative miho no a worde menciona ainda !! Mester para henter e asunto di cobra pa parkeer….di pone ‘klem’ riba propiedad di pueblo. No por justifica e abuso aki mas !! Mas ainda pueblo di Aruba na un forma ‘abrumador’ a rechasa e sistema di parkeer y cobra pa esaki. Pueblo ta di opinion cu ta basta !! E comerciantenan cu kende PPA tin contacto ta masha rabia mes….hopi kier evita conflict cu gobierno …..pero nan ta fada…..varios empresa ta pensando pa kita ‘trahador’ for di servicio pasobra nan no tin e entrada mas…..algun ta pensando pa sera porta !! Esaki ta e realidad amargo.

Pesey PPA kier conseha gobierno di AVP ….stop e abuso aki !! Para e projecto di cobra pa parkeer den centro di oranjestad. ….y duna pueblo e libertad bek cu pueblo a conoce semper den parkeer. Locual gobierno sip or hasti ta construi mas lugar di parkeer den Centro di Oranjestad !! Esaki lo ta un contribuiccion positivo di gobierno envez di actua manera un abusador….esta ….cu e mentalidad…..paga pa parkeer…mientras tur caretera, tur trottoirs y tur sitio di parkeer ta propiedad di pueblo nan a worde construe cu ‘belasting’ di pueblo kaba….NO tin mester pa cobra atrobe !! Y pa locual ta trata e ‘subsidio’ na transport publico/ARUBUS tur caminda di mundo esey ta un deber primordial di gobierno pa contribui na e gastonan di Transporte public…mas ainda cu e crisis financiero no a worde ocassiona pa pueblo di aruba. Un vez mas PPA ta propone pa elimina Aruparking, duna pueblo su libertad bek !!

Aruba, 4 di December 2015

Expresionnan haci den e articulo aki no necesariamente ta refleha opinion di ArenaPoliti.co