{idkey=765b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1934-mep-mep-cu-mensahe-positivo-di-union-y-speransa%3FItemid%3D101][title=MEP%3A+MEP+cu+mensahe+positivo+di+union+y+speransa][desc=CONGRESO+DI+MEP+A+CULMINA+CU+RE+ELECCION+DI+EVELYN+WEVER-CROES+COMO+LIDER+INDISCUTIBLE+PA+2015-2019%26amp%3Bnbsp%3B%23SoloTaSali%26amp%3Bnbsp%3BORANJESTAD+--+Un+siman+despues+di+e+grandioso+Congreso+di+MEP+2015%2C+ainda+hopi+ta+e+comentarionan+positivo+di+e+Congreso.+E+Congreso+2015+a+wordo+hopi+bon+asisti%2C+centenares+di+miembro+nobo+a+wordo+registra%2C+y+e+sala+na+Cas+di+Cultura+a+keda+chikito+pa+asina+tanto+hende.+Pero+den+e+salanan+pafo+atraves+di+pantayanan+grandi%2C+tur+esnan+cu+no+por+a+drenta+e+sala+por+a+sigi+e+Con]}
CONGRESO DI MEP A CULMINA CU RE ELECCION DI EVELYN WEVER-CROES COMO LIDER INDISCUTIBLE PA 2015-2019 
#SoloTaSali 

ORANJESTAD -- Un siman despues di e grandioso Congreso di MEP 2015, ainda hopi ta e comentarionan positivo di e Congreso. E Congreso 2015 a wordo hopi bon asisti, centenares di miembro nobo a wordo registra, y e sala na Cas di Cultura a keda chikito pa asina tanto hende. Pero den e salanan pafo atraves di pantayanan grandi, tur esnan cu no por a drenta e sala por a sigi e Congreso. E union cu tabata brota entre e candidatonan, y e positivismo den e discursonan ta locual a marca e diferencia.

E re-eleccion di Evelyn Wever-Croes como lider indiscutible, ta prueba di e union y confiansa cu tin den e partido. Evelyn na 2011 a haya un partido kibra, y mas aun, cu moral abou. Pero el'a sa di crea un forsa increile di union den e partido, pa cuminsa uniendo yiunan di e dos lidernan grandi di partido MEP riba un solo lista. Algo cu ningun hende a spera, si en caso Evelyn kier a pensa riba su cresemento politico so. Pero, pensando riba e futuro di e partido y riba e deseo di e sostenedornan di MEP, Evelyn a tuma e paso grandi ey y awe por mira cu e union ta mas grandi cu nunca. Evelyn a sa tambe di uni esnan cu ya nos ta figura riba lista di MEP mas, y esnan cu awor a drenta politica, combinando asina experiencia y energia nobo. E forma con partido ta sigi hasi uso di consehonan di Nel Oduber, Nilo Swaen, Eddie Briesen, Ramon Lee, Rudy Croes y demas ex politiconan di MEP, ta otro factor cu ta yena nos pueblo cu speransa. Pasobra semper ta importante pa scucha e bos di experiencia, sinja di erornan cometi, pa asina logra e bienestar di nos pueblo.

E discurso di lider di MEP Evelyn Wever-Croes na final di e Congreso tabata sumamente inspirativo, y positivo. Mensahenan di speransa cu pronto ta bin un cambio pa mihor, combina cu pasonan concreto con ta bai logra e cambionan ey. Trahando riba fortificacion di e partido internamente, pa asina por brinda tur e solucionnan cu nos pais merese. "Ora MEP goberna no tin KB, no mester di CFT, pasobra ora MEP goberna bo tin integridad y responsabilidad, y e team aki ta para pa e dos principionan ey", lider di MEP a duna di conose.

Un felicitacion grandi pa Evelyn Wever-Croes cu e forma transparente y democratico cu a hiba na su re eleccion, y pabien na henter partido MEP y e gran famia di MEP cu esaki. Cu e mensahe di union, speransa y positivismo por yega tur caminda. Solo ta sali pa nos tur.

Expresionnan haci den e articulo aki no necesariamente ta refleha opinion di ArenaPoliti.co