{idkey=1842b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2579-endy-croes-mep-mi-kier-sa-na-cual-supermercado-baba-ta-shop%3FItemid%3D101][title=Endy+Croes+%28MEP%29%3A+%E2%80%9CMi+kier+sa+na+cual+supermercado+Baba+ta+shop%E2%80%9D][desc=Segun+BABA+cu+e+maneho+cu+AVP+a+scoge+e+forza+di+compra+di+mas+di+60+mil+hende+a+mehora%26amp%3Bnbsp%3BCada+loco+cu+su+locura.+Den+un+articulo+recien+Baba+a+declara+cu+e+maneho+cu+AVP+a+scoge+a+percura+pa+e+forza+di+compra+di+mas+di+60+mil+conciudadano+a+mehora.+Ora+bo+tende+con+Lider+di+fraccion+di+AVP%2C+esta+e+partido+cu+e+desgracia+finansa+publico+y+siguridad+di+e+pais+Aruba+creando+e+MEGA+DEBE+expresa+disparate+asina%2C+nos+mester+para+keto+un+rato+y+puntra+nos+mes+ta+kico+mas+Mike+y+Baba+kier+anto+cu+e+]}
Segun BABA cu e maneho cu AVP a scoge e forza di compra di mas di 60 mil hende a mehora 

Cada loco cu su locura. Den un articulo recien Baba a declara cu e maneho cu AVP a scoge a percura pa e forza di compra di mas di 60 mil conciudadano a mehora. Ora bo tende con Lider di fraccion di AVP, esta e partido cu e desgracia finansa publico y siguridad di e pais Aruba creando e MEGA DEBE expresa disparate asina, nos mester para keto un rato y puntra nos mes ta kico mas Mike y Baba kier anto cu e pais aki. Baba completamente droga di poder no por ta saliendo for di su cas bishitando pueblo of cualkier establecimento.  Den tur supermercado aki na Aruba pueblo ta sclamando y yorando cu placa no ta rende mas. Ora bo kibra e “Dori” hasta su wowo ta core awa riba e biyete enbista e tiki cuminda cu Bo por cumpra cu esaki awendia. Esaki ta consecuencia di un maneho descabeya di Mike y Baba.  Den aña 2009 of promer bo kibra un 100 florin ainda bo por a sali cu  minimo 4 saco di comestibel for di chines. Awendia kibrando 100 florin locual Bo ta haña Bo por hinke te hasta den bo saco di jeans y no mester gasta ni e saco di chines. Asina cos a para bira. Tur caminda pueblo ta sclama cu placa no ta yega. Awor Baba kier tira santo den wowo di pueblo usando strategia di “EMANIPULACION” splicando cu e aumento di 40 florin di minimum loon lo a mehora poder di compra y calidad di bida di 60 mil conciudadano. E Babado tabata tin e pudor di splica cu e efectonan aki por a sintie ta bin desde 2011 cu a reduci BBO cu 50%. Dicon Baba no a recorda e pueblo cu E hunto cu Mike a subi e BBO cu tanto nan a demonisa na 3.5%? Baba y Mike a puntra e pueblo ki efecto esaki tabata tin pa nan? Baba y Mike lo splica e pueblo cu nan tin un ABB di 7% planea den presupuesto 2016?  Baba y Mike a puntra e pueblo ki efecto e parkeermeternan tin pa nan? Baba y Mike a puntra e comerciantenan den Caya Betico Croes cu cuanto % nan benta a cay desde introduccion di parkeermeters? Baba y Mike no a splica e pueblo di e efecto di aumento di 1% di AZV desde 2011? Tampoco a recorda e pueblo di e aumento di grondbelasting cu 15%?  Que hubo di e aumento di AOV desde Januari 2014? Baba ta corda riba e aumento di tarifa di Arubus di 11%? Tampoco Baba no a menciona medida di Serlimar cobrando pueblo Afl. 27 pa luna pa recoge sushi? Baba no a corda un otro medida cortando den duurtetoeslag di ambtenaar di 36.1% pa 17.7% ?  Despues cu AVP a suta pueblo cu medida tras di medida Baba y Mike kiermen cu forza di compra a bay dilanti?   Pueblo berdad Bo  poder di compra a mehora cu e maneho di AVP aki? Dicon Baba y Mike no a splica abo pueblo di e accion cu nan a priminti CAFT cu den 2016 lo sali busca na un manera riguroso 75 miyon di belasting atrasa. Esaki porcierto ta klop  cu nan lema di campaña “AINDA FALTA”.  Pues ta den Bo saco nan lo bin coba. Asina tin hopi ehempel mas di e mal maneho cu a causa e Mega Debe. Ora Bo topa cu Baba of Mike puntranan den cual supermercado nan ta cumpra pa pueblo tambe por probecha di e prijsnan cu nan ta haña. Of kisas nan No ta paga na supermercado?

Expresionnan haci den e articulo aki no necesariamente ta refleha opinion di ArenaPoliti.co