{idkey=4882b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2640-eddy-ras-pdr-mester-amplia-educacion-di-e-futuro-forsa-laboral-pa-cu-economia-di-internet%3FItemid%3D101][title=Eddy+Ras+%28PDR%29%3A+Mester+amplia+educacion+di+e+futuro+forsa+laboral+pa+cu+economia+di+Internet+%5B%2Baudio%5D][desc=Un+pilar+nobo+cu+PDR+a+trese+dilanti+ta+un+%E2%80%9Ckennis+economie%E2%80%9D+of+%E2%80%9Ceconomia+di+Internet%E2%80%9D.+E+economia+tabasa+riba+crea+applicacion+of+webpages+exitoso%2C+por+ehempel+manera+Google%2C+Facebook+of+booking.com.+Pa+e+pilar+economico+menciona+ta+exitoso+y+pa+hobennan+local+lidera+den+esey%2C+mi+a+trese+dilanti+cu+mester+introduci+un+estudio+cu+ta+duna+e+hobennan+e+conocimento+y+habilidad+cu+nan+mester+pa+por+desaroya+optimal+den+e+economia+di+Internet.+E+estudio+cu+mester+wordo+introduci+pa+e+produci+]}Un pilar nobo cu PDR a trese dilanti ta un “kennis economie” of “economia di Internet”. E economia tabasa riba crea applicacion of webpages exitoso, por ehempel manera Google, Facebook of booking.com. Pa e pilar economico menciona ta exitoso y pa hobennan local lidera den esey, mi a trese dilanti cu mester introduci un estudio cu ta duna e hobennan e conocimento y habilidad cu nan mester pa por desaroya optimal den e economia di Internet. E estudio cu mester wordo introduci pa e produci futuro lidernan pa funciona den e pilar economico di internet, ta e estudio di “Information and Communication Technology” (ICT).

Personanan cu den futuro lo tin cu lo por crea of tuma puestonan di ICT over mester ta personan cu por traha individualmente y independiente. Pa es motibo e estudio di ICT mester ta un nivel di 4 (MBO niveau). E motibo pakico MBO nivel 4, ta pasobra un persona cu un diploma di e nivel aki ta un persona cu a wordo educa pa por funciona individualmente y independiente. Den e nivel aki e persona ta demostra den su estudio cu e  tin e capacidad cu e mes por busca informacionnan cu e mester independiente y pone den practica. Tambe e por sigui un upgrading (pa medio di un curso adicional) sin dificuldad. Na mesun momento ta facilita un hoben cu a studia ICT nivel 4 pa sigui un estudio di ICT mas avansa (por ehempel un HBO) cu ta sigui su estudio cu e a studia.
Pa cuminsa e estudio mester bay via di Directie Onderwijs. Directie Onderwijs, ta stipula cua ta e competencianan cu e estudio mester cumpli cune.

Cu competencianan di e estudio mi kiermen:

1. E conocimentonan cu e alumno mester tin di e materia.
2. E habilidad cu e alumno mester por eherce den e materia.
3. E comportacion cu e mester demostra pa por funciona como futuro empleado.
   Door di compentecianan stipula, e estudio ta wordo structura na e conocimiento, habilidad y comportacion cu un alumno mester sa, eherce y demostra. 

Introduci un estudio di ICT tin su beneficionan pero tambe tin su retonan cu ne.
Prome cu cuminsa cu e estudio, tin tres punto cu mester tene cuenta cu nan ta:

1. Mester di docente pa duna e materia.
2. Mester di lokaal pa duna e materia.
3. Mester di materialnan pa duna y practica e materia. (cu material mi kiermen: computer, buki, etc)

Momento cu “economia di internet” ta un pilar economico, mester ta conciente cu den futuro mester introduci na Aruba estudio ICT mas avansa (HBO, WO) aserca.

Expresionnan haci den e articulo aki no necesariamente ta refleha opinion di ArenaPoliti.co