{idkey=4375b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2926-mep-na-clarisca-velasquez-evelyn-wever-croes-tin-hopi-mas-autoridad-moral-cu-mike-eman%3FItemid%3D101][title=MEP+na+Clarisca+Velasquez%3A+Evelyn+Wever-Croes+tin+hopi+mas+autoridad+moral+cu+Mike+Eman][desc=Partido+MEP+a+tuma+nota+di+e+atakenan+baho+cu+ta+saliendo+di+e+parlamentarionan+di+AVP+contra+di+nos+lider+di+MEP+Evelyn+Wever-Croes+y+ta+lamenta+esaki.+E+biaha+aki+ta+toca+turno+di+Clariska+Velasquez.+En+bes+cu+e+senjora+aki+como+parlamentario+para+banda+di+MEP+y+cuestiona+tanto+corpucion+den+su+gobierno%2C+e+ta+scohe+pa+tira+cu+lodo+y+tapa+e+corupcion+den+su+gobierno+hasiendo+e+mes+complise+na+e+corupcion.+Of+acaso+e+tambe+a+participa+den+e+fiesta+di+partimento+di+tereno%3F+Clariska+Velasquez+tin+]}
Partido MEP a tuma nota di e atakenan baho cu ta saliendo di e parlamentarionan di AVP contra di nos lider di MEP Evelyn Wever-Croes y ta lamenta esaki. E biaha aki ta toca turno di Clariska Velasquez. En bes cu e senjora aki como parlamentario para banda di MEP y cuestiona tanto corpucion den su gobierno, e ta scohe pa tira cu lodo y tapa e corupcion den su gobierno hasiendo e mes complise na e corupcion. Of acaso e tambe a participa den e fiesta di partimento di tereno? Clariska Velasquez tin hopi curashi di punta dede den direccion di nos lider y cuestiona su autoridad moral. Pa refresca Velasquez su memoria: acaso Mike Eman tin autoridad moral?

MIKE EMAN A MANDA EMCO BACAROTA y no a importe cuanto mama y tata di famia a wordo poni riba caya. Pa simple mal maneho. Pesey Mike Eman ta esun cu no tin autoridad moral. MIKE EMAN A PRESTA 1 MIYON FLORIN Y NUNCA A PAGA BEK na Interbank. Cu esaki Mike Eman a perde cualquier autoridad moral pa cuestiona otronan, y Velasquez sa esaki. Pa colmo a forsa FFCA pa tuma over e banco di Interbank cu a wordo kibra door di e prestamo di 1 miyon na famia Eman, sin cu nan a paga bek. Awe FCCA no por traha cas social mas. Un mal paga Mike Eman ta, sin ningun autoridad moral. MIKE EMAN A WORDO DECLARA MENTIROSO PATOLOGICO PA UN HUES y mester a rectifica mentiranan lansa den direccion di ruman di nos lider. Mike Eman ta un ganjado patologico sin autoridad moral. MIKE EMAN TA UN HOMBER DEBIL y a core bai den welga di hamber en bes di subi avion y bai bringa pa nos autonomia. Pa colmo, na forma infantil y cobarde a bai yora na television hulandes, mientras el’a tuma tur hende hasi den su welga di hamber falso di ensure. Mike Eman no tin credibilidad mas, y ni tampoco autoridad moral.

Y asina nos por sigi ripiti e debilidadnan di Mike Eman, pero no mester lubida esunnan di Clariska Velasquez mes. Clariska Velasquez kier papia di AUTORIDAD MORAL?

Pasobra ta ken ta e parlamentario cu nan a gara ta hasi acto sexual riba lessenaar di gobierno, den pleno accion? Y cu ken e tabata hasi e acto sexual ey, cu su pareha, of cu un otro? Y kiko tur tabata e danjo causa pa su pareha na propiedad di pueblo, ora el’a gara nan dos den e acto riba lessenaar? Esaki ta moralidad? Ken ta e parlamentario cu en bes di atende cu su trabou como parlamentario pa pueblo, a bai scol tur dia pa un anja largo, y kitando cupo di otronan pa sigi e lesnan na e scol di polis? Esaki ta moralidad?

Tin hopi mas, pero MEP no ta un partido cu ta rebaha su mes na e nivelnan baho di AVP, pero no equiboca. Si mester, nos tambe por publica berdadnan di tur cu kier atacha e integridad y bon nomber di nos lider. Evelyn Wever-Croes ta un persona honesto y integro, y cu hopi autoridad moral pa cuestiona e gobierno aki. No ta por nada e tabata 13 anja hefe di departamento di belasting, y despues a traha 10 anja den sector priva como abogado di consehero di belasting. Ta un persona cu a dedica mas di 20 anja na servicio na nos comunidad cu trabounan caricativo atraves di organisacionnan, iglesia y partido MEP. Un mama, esposa, y lider EHEMPLAR, algo cu ni Velasquez ni Eman no por bisa!

Expresionnan haci den e articulo aki no necesariamente ta refleha opinion di ArenaPoliti.co