{idkey=8975b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3137-prome-minister-eman-aruba-a-tuma-e-miho-decision%3FItemid%3D101][title=Prome+Minister+Eman%3A+%26quot%3BAruba+a+tuma+e+miho+decision%26quot%3B][desc=Entrevista+cu+Prome+Minister+Eman%26amp%3Bnbsp%3BORANJESTAD+%E2%80%93+%26amp%3Bnbsp%3BProme+Minister+Eman+ta+haya+e+maneho+di+su+gobierno+uno+exitoso.+E+ultimo+declaracion+di+CAFT+cu+Aruba+ta+riba+bon+caminda+pa+loke+ta+su+finansas%2C+ta+sostene+Eman+den+su+pensamento%2C+cu+su+Gabinete+a+tuma+e+bon+decisionnan.+Prome+Minister+Eman%3A+%26quot%3BCu+un+deficit+di+2%25+na+2015+Aruba+ta+mucho+miho+para+di+loke+a+wordo+planea.+Cu+e+waf+nobo+na+Barcadera%2C+e+acuerdo+cu+CITGO+cu+ta+den+tramite%2C+proyectonan+nobo+manera+Smart+Community%2C+Green+Corri]}
Entrevista cu Prome Minister Eman 

ORANJESTAD –  Prome Minister Eman ta haya e maneho di su gobierno uno exitoso. E ultimo declaracion di CAFT cu Aruba ta riba bon caminda pa loke ta su finansas, ta sostene Eman den su pensamento, cu su Gabinete a tuma e bon decisionnan. Prome Minister Eman: "Cu un deficit di 2% na 2015 Aruba ta mucho miho para di loke a wordo planea. Cu e waf nobo na Barcadera, e acuerdo cu CITGO cu ta den tramite, proyectonan nobo manera Smart Community, Green Corridor, hospital nobo, di dos parke di Molina y ampliacion di aeropuerto y desaroyo di e tereno di APA cu ta cuminsa riba termino corto, futuro di Aruba ta mustra hopi alentador."

E hecho cu e deficit di 2015 a baha te 2% ta na bentaha di Gabinete Mike Eman. Prome Minister Eman: "Ta obvio cu e areglo nobo di winstbelasting unda negoshinan - manera ta custumber den exterior - paga nan winstbelasting adelanta, ta duna su frutonan. Di e forma aki na manera structura gobierno ta ricibi mas winstbelasting." E motibo principal di e exito di restructuracion di finansas publico, banda di austerisacion y aumento selectivo di entradanan, ta reforma di e Seguridad Social. E reformanan den pensioen, AOV y AZV cu gobierno a introduci, e tempo hunto cu Dialogo Social, a percura cu presupuesto no a sali for di man den forma desastroso. Eman: "Mi ta masha orguyoso con Gabinete Mike I a percura pa esaki sin cu tabatin desorden. Aruba a haya tanto aki mes como den Reino hopi elogio pa e logro aki."

Sinembargo, si CITGO yega na un acuerdo cu Aruba, e proceso di mehoracion di finanza publico ta wordo acelera grandemente. E expectativa ta cu cu na 2017 ta yega na un Balanced Budget of hasta un surplus. Eman: "Un di e efectonan secundario di un Balanced Budget ta cu conforme palabracion, Aruba por presta placa na un interes hopi bou riba mercado internacional via Hulanda. Esaki tin como consecuencia cu pais Aruba por haya extra na entrada un suma cu por yega te 150 miyon florin. Placa cu di un banda por wordo hinca den saneamento di debe y di otro banda den mas desaroyo di un Aruba sostenibel di 5 strea. Nos tin mas fondo pa inverti extra den economia, vivienda social, enseñansa y cuido."

Un desaroyo asina ta nifica tambe cu e quota di debe di Aruba ta baha considerablemente den e añanan nos dilanti. Algo cu ta necesario. Eman: Desde prome dia Gabinete a pone como meta pa stabilisa prome, saca e problemanan structural cu tin di e sistema, stimula crecemento y proteha empleo y finalmente corta den finansas publico. Segun mi e maneho ey tabata exitoso. Den e añanan nos dilanti nos ta bay piki e frutonan di nos maneho. E escogencia pa solamente corta lo tabata, pa Aruba, uno robes, pasobra esey lo a crea desempleo ta gran escala y instabilidad. Riba dje ta un hecho cu debe di paisnan cu a scoge pa corta so, a subi mes tanto."

Un acuerdo cu CITGO y realisacion di proyectonan innovativo ta duna un impulso sin precedencia pa e economia. "Den e añanan nos dilanti mi ta spera un crecemento grandi y si CITGO bira un realidad e crecemento aki ta bira solamente mas grandi. Importante ta pa nos economia desaroya su mes den forma balansa. Pesey mes cu mi ta masha orguyoso cu bou guia di TNO nos ta bay realisa 'Smart Community'. Si banda di esaki nos haya gas (LNG) y introduci e proyecto di algen cerca di e refineria, nos ta bira unico den region pa loke ta tecnologia berde y di eynan sigui crece pa bira un berdadero hub den Latino-America."

 

Expresionnan haci den e articulo aki no necesariamente ta refleha opinion di ArenaPoliti.co