{idkey=6765b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3172-elton-lioe-a-tjam-abo-debe-nacional-a-subi-cu-600-miyon-florin-pues-mas-medida-y-ainda-falta%3FItemid%3D101][title=Elton+Lioe-A-Tjam+%28ABO%29%3A+Debe+nacional+a+subi+cu+600+miyon+florin.+Pues+mas+medida+y+%E2%80%98Ainda+falta%E2%80%99][desc=Mester+duna+elogio+unda+e+ta+mereci.+Pero+parce+cu+awendia+den+nos+politica+local%2C+esaki+solamente+por+wordo+duna+na+esun+cu+tin+e+mesun+color+politico.+Esaki+ta+algo+di+mucha+chikito+y+algo+di+pasado.+P%E2%80%99esey+no+kier+felicita+e+minister+di+Finansas+pa+su+trabou+cu+e+cuentanan+anual.%26amp%3Bnbsp%3BLesando+e+cuenta+anual+2014%2C+pueblo+por+haya+un+bon+impresion+con+diferente+politico+a+abusa+di+e+placa+di+pueblo+durante+a%C3%B1anan+largo.+Tin+biaha+hasta+den+forma+contra+ley.+Por+ehempel+e+cobramento+di+%E2%80%98pre]}
Mester duna elogio unda e ta mereci. Pero parce cu awendia den nos politica local, esaki solamente por wordo duna na esun cu tin e mesun color politico. Esaki ta algo di mucha chikito y algo di pasado. P’esey no kier felicita e minister di Finansas pa su trabou cu e cuentanan anual. 

Lesando e cuenta anual 2014, pueblo por haya un bon impresion con diferente politico a abusa di e placa di pueblo durante añanan largo. Tin biaha hasta den forma contra ley. Por ehempel e cobramento di ‘premie’ di SVB y APFA, pero nunca gobierno tabata pasa esaki pa e fondonan. Of cu clandestinamente nan a pone pueblo para garantia pa diferente proyecto dudoso, y na final pueblo mester a paga e garantianan sin a ricibi algo a cambio. 

Tur esaki a conduci cu awendia Aruba ta bancarota y medida tras di medida ta wordo tuma riba lomba di pueblo, pa sanea e desastre financiero cu algun partido tradicional a causa. Pero parce cu ainda tin politiconan tradicional cu no ta compronde cuanto sufrimento esaki a trece pa pueblo. Ainda miyones ta wordo mal gasta riba proyectonan dudoso Tur pa djis laga pueblo kere cu proyectonan ta sinonimo cu bon gobernacion. En realidad, e proyectonan aki tin e solo meta pa tira santo den wowo di pueblo. Asina pueblo lo no por mira bon cu algun politico tradicional a bira miyonario. Hasta awendia e no ta importa e politico tradicional mas cu ta placa di pueblo e ta malgasta. Confirmacion di esaki a bin siman pasa den parlamento, ora e minister di Infrastructura a bisa ‘I don’t care’ (E no ta worry). Exacto, e no tin cu worry pasobra e ‘si ta den’, e no ta su placa cu ta wordo malgasta, e tambe a haci pueblo adicto na e droga show y fiesta y na final ta pueblo lo paga toch!

Ora pueblo a pensa despues di e show ‘Welga di hamber y Ensure’ y CAft, cu porfin tin claridad riba con grandi e debe nacional ta, a consecuencia di e maneho ‘un tiki rood’, ata e minister di Finansas ta bin cu un otro sorpresa. Durante su presentacion di e cuenta anual 2014, e la declara cu 600 miyon florin a wordo gasta sin aprobacion di parlamento. Y awor segun e ley LAft, e 600 miyon florin aki, mester wordo ‘acomoda y hinca den e siguiente presupuesto’ (Staten, 13 April 2016). Conclusion, e debe biyonario a crece cu 600 miyon florin mas. Pues mas medida mester wordo tuma pa alcansa e metanan cu a wordo palabra cu Hulanda.

Parce cu e noticia aki of e descubrimento di Raad van Advies cu gobierno ta sigui actua ilegal ‘Er bestaat thans gerede kans dat in de toekomst de ontwerp-landsverordening tot vaststelling van de exploitatierekening zal worden aangewend om achteraf machtiging te verlenen’, no a spanta nos gobernantenan. Siman pasa mes, e minister di Infrastructura a sigui riba e mesun manera ‘ilegal’ cu e ‘Watty Vos Boulevard’. Un caminda cu lo costa pueblo 835 miyon florin. Pues kibrando asina su mesun record di 750 miyon florin pa e ‘tweebaansweg Caminda Scur’.

Antes gobernantenan y parlamentarionan por a sconde tras di e argumento cu no tabata tin suficiente informacion.  Cu e cuentanan anual, awor si tin tur informacion riba e situacion delicado financiero riba mesa. Anto dicon sigui hinca pueblo den mas debe cu proyectonan innecesario? Dicon nunca tin placa pa pueblo, pero si pa proyectonan cu un ‘finder’s fee’? Un aumento di 600 miyon florin riba e debe biyonario no ta suficiente? Esaki ta ‘Bon Trabou’?

(www.aboaruba.org , info@aboaruba,org )

Expresionnan haci den e articulo aki no necesariamente ta refleha opinion di ArenaPoliti.co