{idkey=7609b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3671-elton-lioe-a-tjam-abo-di-sneaky-y-scondi-pa-bullying-pa-haya-bo-kier-sin-consulta-pueblo%3FItemid%3D101][title=Elton+Lioe-A-Tjam+%28ABO%29%3A+Di+%E2%80%98sneaky+y+scondi%E2%80%99%2C+pa+%E2%80%98bullying%E2%80%99%2C+pa+haya+bo+kier%2C+sin+consulta+pueblo][desc=Mientrastanto+ta+bon+conoci+cu+sin+show+y+fiesta%2C+e+gobierno+actual+no+por+existi.+Si+antes+e+shownan+tabata+di+%E2%80%98klinkers%E2%80%99%2C+%E2%80%98green+locura%E2%80%99%2C+%E2%80%98un+tiki+rood%E2%80%99+y+%E2%80%98ensure+dieet%E2%80%99%2C+awendia+nan+ta+di+%E2%80%98camindanan+scur+di+750+y+835+miyon%E2%80%99%2C+%E2%80%98lobbymento+fracasa+na+UN%E2%80%99%2C+%E2%80%98un+CITGO%2FPDVSA-deal+bon+scondi%E2%80%99+y+%E2%80%98mokete+y+bullying+parlamentario%E2%80%99.+Cu+gobierno+nunca+tabata+sincero+cu+pueblo%2C+pero+a+logra+convence+un+mayoria%2C+uzando+pueblo+su+propio+placa+pa+haci%E2%80%99e+ciego%2C+cada+di+ta+bir]}
Mientrastanto ta bon conoci cu sin show y fiesta, e gobierno actual no por existi. Si antes e shownan tabata di ‘klinkers’, ‘green locura’, ‘un tiki rood’ y ‘ensure dieet’, awendia nan ta di ‘camindanan scur di 750 y 835 miyon’, ‘lobbymento fracasa na UN’, ‘un CITGO/PDVSA-deal bon scondi’ y ‘mokete y bullying parlamentario’. Cu gobierno nunca tabata sincero cu pueblo, pero a logra convence un mayoria, uzando pueblo su propio placa pa haci’e ciego, cada di ta birando mas visibel.

Algun siman pasa, pueblo por a scucha e vice-presidente di parlamento bisa cu tur hende den partido AVP tabata sa cu e presidente no tabata di confia, pero asina mes e ‘gran lider’ a trece ‘e persona’ den partido. Un declaracion publico di desconfiansa y duda den e liderazgo di e parti di e vice-presidente. E postura di desconfiansa di e vice-presidente, no tabata uno isola. Parce cu mas hende den partido AVP no ta contento cu e liderazgo y awendia algun di nan si ta tribi di vocifera esaki publicamente: ‘Tempo cu Mike y e actual Ministernan tabata den oposicion nan tabata menasa constantemente, hunto cu canal 90, cu busje lo bin pa Marisol, pero e busje no a yega nunca. Bo ta wak claramente con politiconan ta gaña e pueblo votador, djis pa nan sigura puesto den Gobierno’ (Awemainta, 15 juni 2016).

Siman a habri y parlamento a yama un ‘bijeenkomst’, pasobra su miembronan tambe kier a mira e presentacion di e ‘CITGO/PDVSA-deal’, enbes di exigi claridad, documento y e acuerdo firma. Pero mientrastanto, e ‘bijeenkomst’ chistoso, no ta noticia mas. Tin hende cu ta pensa cu partido AVP a planea henter e asunto aki intencional, pa desvia e atencion for di e ‘CITGO/PDVSA-deal’, cu cada dia ta mustra mas controversial y corupto. Ayera a bira conoci cu un otro miembro di e fraccion di partido AVP, mr. Desiree De Sousa-Croes, ta rabia y cu ‘Ta basta y ta exigi atencion y respet’ (Xclusivo Magazine, 4 juli 2016). Un postura hopi straño, a menos cu e la realisa awor numa cu e tambe a wordo uza pa partido AVP.

Desde 2009, lider di fraccion di partido AVP a declara riba ‘geregistreerd partnerschap’: ’nos a bisa den pasado y nos ta ripiti, asuntonan cu ta regarda esfera personal di hende y famia, manera ta refleha den nos leynan civil, cu apenas a wordo renoba na 2000, mester wordo respeta. Por lo pronto, tanten cu e comunidad aki ta di opinion cu matrimonio mester ta entre homber y muher, nos ta respeta esey y ley mester refleha e pensamento di e comunidad. Nos ta haya cu Parlamento, ni di Hulanda ni esun di Aruba mester dicta den esfera personal di hende y famia’ (24ora.com, 16 december 2009).

Na 2013, e posicion di partido AVP riba ‘geregistreerd partnerschap’ a wordo ripiti: ‘Respetando tur hende nan escogencia di nan forma di bida, partido AVP no ta sostene matrimonio di hendenan di e mesun sexo..’ y ‘Partido di pueblo Arubano y su fraccion den parlamento no tin ningun intencion di impone algo asina riba nos comunidad’ (Bon Dia, 21 juni 2013).

Pues e miembro di parlamento mester tabata bon na altura di e posicion di partido AVP, a menos cu e liderazgo a haci un palabracion cu su persona y famia, cu e asunto di ‘geregistreerd partnerschap’ lo wordo regla ‘sneaky y scondi’ prome cu eleccion, en cambio pa haya su sosten ora di abusa, gaña y horta pueblo.

Awor cu e la realisa cu e tambe a wordo uza y cu e barco ta zink, e la dicidi pa pasa e amienda aki ‘sneaky y scondi’ a la ‘fastball’ sin consulta cu e liderazgo? Of ta pasobra e la dicidi cu ‘te e aña ‘ki mi ta keda den partido AVP’ (Xclusivo Magazine, 4 juli 2016), y e kier laga su ‘legacy’ atras manera e miembro Donny Rasmijn a haci cu su ley di cacho? Igual e pregunta ta keda con un persona asina bon educa y cu mester conoce partido AVP hopi bon, por a cay den e trampa aki.

E incidente nobo parlamentario aki, ta mustra cu partido AVP kier a regla un asunto delicado atrobe ‘sneaky y scondi’, sin consulta cu pueblo prome. Of otro bisa, manera ‘business as usual’. Locual pueblo ta wak akinan, ta nada menos cu un ‘fastball sneaky y scondi’ cu a ‘backfire’ cu kisas awor cu ‘bullying’ y comportacion di mala mucha (‘Statenlid Desiree De Sousa-Croes, legt werkzaamheden neer’, Amigoe, 4 juli 2016), mester spanta y presiona partido AVP pa sucumbi toch y duna e miembro su kier. Mira na ki nivel nos democracia a yega. Pueblo por spera mas casonan di rebeldia den seno di partido AVP prome cu eleccion, pasobra hopi a para wak con e grupito selecta haya tur cos, y a dicidi cu awor ta nan beurt pa haya algo. Pues locual a wordo sembra den pasado, ta wordo cosecha awor.

Conclusion:

Si esunnan mes den e top di partido AVP y ‘e wes’i lomba stabil y noble di raiz di partido AVP no por sigui soporta tanto traicion (Awemainta, 15 juni 2016)’, anto con pueblo por sigui confia gobierno su palabranan y su proyectonan? Con pueblo por kere cu e ‘CITGO/PDVSA-deal’, rondona cu hopi secresia y mentira, por ta na bienestar di Aruba, si nan mesun hendenan no ta kere mas den e liderazgo?

(www.aboaruba.org, This email address is being protected from spambots. You need JavaScript enabled to view it.)

Expresionnan haci den e articulo aki no necesariamente ta refleha opinion di ArenaPoliti.co