{idkey=944b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3787-dangui-oduber-mep-otmar-oduber-a-destrui-caya-y-awor-ta-destruyendo-nos-turismo%3FItemid%3D101][title=Dangui+Oduber+%28MEP%29%3A+Otmar+Oduber+a+destrui+Caya+y+awor+ta+destruyendo+nos+turismo%21][desc=E+situacion+den+Caya+Betico+Croes+ta+alarmante.+E+chaos+cu+a+wordo+crea+pa+parkeermeters+a+destrui+Caya+Betico+Croes+y+a+causa+cu+34+tienda+a+sera+nan+portanan.+E+autor+y+esun+resposable+pa+e+debacle+aki+ta+Otmar+Oduber+y+gabinete+Mike+Eman+2.+Un+gobierno+intransingente+y+un+gobierno+cu+no+oido+pa+dolornan+di+pueblo+y+di+comercio.+Pa+varios+siman+tin+un+grupo+di+comerciante+ta+reuniendo+cu+gobierno+pa+por+haci+algo+pa+cu+e+situacion+di+disaster+den+Caya+Betico+Croes.+Comerciantenan+ta+sclama+y+a]}
E situacion den Caya Betico Croes ta alarmante. E chaos cu a wordo crea pa parkeermeters a destrui Caya Betico Croes y a causa cu 34 tienda a sera nan portanan. E autor y esun resposable pa e debacle aki ta Otmar Oduber y gabinete Mike Eman 2. Un gobierno intransingente y un gobierno cu no oido pa dolornan di pueblo y di comercio. Pa varios siman tin un grupo di comerciante ta reuniendo cu gobierno pa por haci algo pa cu e situacion di disaster den Caya Betico Croes. Comerciantenan ta sclama y a pidi gobierno pa haci algo cu Aruparking y haci algo pa laga trafico circula bek den Caya.

Ta conoci caba e mentalidad destructivo cu e gobierno aki y e contesta cu comercio a haya ta cu NADA lo wordo haci cu Aruparking y tampoco nada lo bai sosode pa loke ta trata circulacion di trafico den Caya. Loke gobierno a bisa comercio ta pa nan bin cu alternativa y sugerencianan y nan lo wak si por yuda den esey. Aruparking a bin cu un campanja pero ta obvio cu tur comerciante a perde speranza caba den Aruparking y Otmar Oduber. Apenas 11% di e comerciantenan ta participa den e campanja di Aruparking. Otmar Oduber cu su maneho anti pueblo y anti comercio a destrui nos Caya Betico Croes. Envez cu Mike Eman a haci algo, e la accepta y bira complice di e disaster cu a wordo crea. No tin benta, tiendanan ta sera tur siman y adicitonan ambulante ta den tur skina na playa. Esaki ta loke AVP a percura pe den Caya. 

Otmar Oduber no solamente e destrui Caya Betico Croes sino ta destruyendo nos turismo tambe cu su actitud vengativo, terco y arrogante. E probelmanan den nos turismo ta serio y no por wordo ignora of neglisha. Na e momentonan aki e situacion den nos turismi ta uno di crisis. Cantidad di bishitante ta cayendo, cantidad di turismo crusero ta cayendo, grado di occupacion di hotelnan ta cayendo, REV PAR ta cayendo y pa haci e crisis complete AHATA no kier traha cu Otmar Oduber. Nos unico pilar economico no ta di Otmar Oduber e ta di e pueblo aki y un minister no por hunga cu pan di hende manera ta pasando na e momentona aki. Nos ta lamenta e actitud tuma door di minister Oduber caminda e ta prefer di sigui causa danjo na nos turismo envez di yuda. E ta demostra incapaz pa maneha e cartera aki y awe e realidad di nos turismo ta uno amargo. Nos ta corre peliger cu e situacion lo sigui empeora anto e ora capricho di un minister no ta yuda den esaki. Promer minister Mike Eman ta esun primordialmente responsabel pa loke ta pasando na Aruba. Su ausencia y falta di liderazgo a causa cu Aruba ta den un crisis nunca antes bisto cu awor minister di turismi ta fungi como minister di husticia. Asina lew nos a yega na e pais aki. 

Expresionnan haci den e articulo aki no necesariamente ta refleha opinion di ArenaPoliti.co