{idkey=9963b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4755-rene-herde-avp-criterionan-financiero-y-economico-ta-confirma-mehoracion-grandi-na-aruba%3FItemid%3D101][title=Rene+Herd%C3%A9+%28AVP%29%3A+Criterionan+financiero+y+economico+ta+confirma+mehoracion+grandi+na+Aruba][desc=Bo+ta+midi+adelanto+di+un+pais+na+loke+hende+ta+wak+kico+ta+sosode+den+nan+pais%2C+den+loke+nan+mes+ta+sinti+y+na+cifranan+cu+expertonan+ta+acumula+di+tur+ramo+di+bida+den+nos+pais.+Hunto+e+loke+hende+ta+wak+y+ripara%2C+loke+nan+ta+sinti+y+loke+ta+midi%2C+ta+duna+bo+un+bon+bista+di+adelanto+di+nos+pais.+Si+pone+tur+e+criterionan+aki+hunto+Bo+ta+haya+un+bista+bon+y+balansa+di+e+progreso+di+nos+pais+den+e+ultimo+7a%C3%B1a+y+mey%21+Aruba+ta+riba+bon+caminda+atrobe%21WAK+Y+SINTI%26amp%3Bnbsp%3BLoke+tur+hende+ta+wak+ta+cu+n]}
Bo ta midi adelanto di un pais na loke hende ta wak kico ta sosode den nan pais, den loke nan mes ta sinti y na cifranan cu expertonan ta acumula di tur ramo di bida den nos pais. Hunto e loke hende ta wak y ripara, loke nan ta sinti y loke ta midi, ta duna bo un bon bista di adelanto di nos pais. Si pone tur e criterionan aki hunto Bo ta haya un bista bon y balansa di e progreso di nos pais den e ultimo 7aña y mey! Aruba ta riba bon caminda atrobe!

WAK Y SINTI 
Loke tur hende ta wak ta cu nos pais a crece y cambia pa miho enormemente. Di drechamento di scolnan y centronan di ciudadnan di Playa y San Nicolas, mehoracion fisico di barionan rond di nos pais, construccion di cayanan te cu facilidadnan nobo pa cuido medico y deporte, tur ta ehempelnan cla di unda placa di pueblo ta bay!
Banda di esey un parti grandi di Pueblo a sinti e mehoracion serca nan mes. Mas cu 7 mil hende a haya trabou y un sin fin di famia a traha nan cas den confiansa y segur di futuro. Pero AVP mes ta reconoce cu ainda tin hende cu ta den necesidad. Rene Herde: "Nos sa cu apesar di cu mas cu 7 mil hende a haya trabou tin un grupo cu ainda ta busca trabou. Apesar di cu hopi hende a haya tereno pa traha nan cas, ainda tin hopi hende ta busca con pa yega na nan propio cas. Nos sa miho cu cualkier otro cu ainda tin necesidad den nos pais cu nos mester atende debidamente. Ta pesey nos mes ta keda bisa cu ainda falta! Aunke nos ta masha orguyoso di por a saca nos pais di e desaster cu e tabata bou di gobernacion anterior y pone nos pais riba un caminda di desaroyo cu nunca antes ela conoce, nos sa cu tin hopi trabou pa haci ainda pa sigura cu tur hende pa haya e oportunidad pa bay dilanto y sinti e progreso serca nan mes!"

CIFRANAN 
Un di e formanan mas obhetivo pa midi adelanto di un pais ta pa midi unda e tabata den pasado y unda e ta awe. E comparacion di esaki cu e cifranan economico, financiero y social real, ta papia palabra masha cla. E cifranan di crecemento economico ta mustra cu nos pais a crece di e punto negativo di -13% na 2009 bou di gobierno di MEP, cu entre 15 pa 18% pa yega na unda e ta awe. Anto esaki a sosode casi exclusivamente door di turismo. Awor cu e refineria ta bolbe habri y poco poco lo tin influencia riba nos economia, e crecemento ta bay sigui den e añanan cu ta bin.
E cifranan di finansa publico ta duna un bista similar di un mehoracion riba casi tur criterio. E criterio cu a domina mas e ultimo añanan tabata e cifra di deficit riba presupuesto. E cifra aki a baha door di e maneho financiero y a subi ora di haci fiansanan grandi entre otro pa salba e fondo di pensioen. Awe cifra di deficit riba presupuesto ta yegando 1/2%. E punto mas abou den masha hopi aña, pero tambe parti di e plan pa presupuestonan balansa pa e añanan cu ta bin. Desempleo cu ta un di e criterionan importante pa midi si mehoracion di economia ta yega serca tur hende, a mustra un caida di 12% na 2009 pa 7% awe. Ora e refineria cuminsa tuma mas hende na trabou e impacto aki lo baha e nivel di desempleo ainda mas.
E conclusion di tur esaki ta cu riba tur nivel y segun casi tur criterio, Aruba a sali di e crisis cu e tabata aden y ta mehorando poco poco pa tur hende! Pesey e meta ta keda "bienestar pa un y tur".

Expresionnan haci den e articulo aki no necesariamente ta refleha opinion di ArenaPoliti.co