{idkey=8542b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5176-benny-nisbet-ppa-ppa-ta-un-partido-independiente-cu-lo-defende-nos-autonomia-aplica-good-governance-basa-riba-un-vision-amplio%3FItemid%3D101][title=Benny+Nisbet+%28PPA%29%3A+%E2%80%98PPA+ta+un+partido+%E2%80%98independiente%E2%80%99+cu+lo+defende+nos+autonomia+aplica+%E2%80%98Good+Governance%E2%80%99+basa+riba+un+vision+amplio%21%E2%80%99][desc=PPA+ta+observando+%26amp%3Bnbsp%3BAVP+%26amp%3Bnbsp%3Be+actual+partido+cu+ta+gobernando+nos+pais+pa+e+ultimo+7+anja+y+nan+strategia+pa+mantene+gobernacion.+AVP+como+organisacion+ja+kaba+a+analisa+pa+su+mes+cu+nan+so+lo+no+por+logra+di+regresa+den+gobernacion+di+Aruba+despues+di+e+proximo+eleccionan.+%26amp%3Bnbsp%3BTa+den+e+cuadra+aki+PPA+ta+mira+e+salida+di+x+Min+Otmar+Oduber+for+di+seno+di+AVP+ta+simpelmente+un+strategia+pa+purba+mantene+%26amp%3Bnbsp%3BAVP+na+poder+un+periodo+mas.+%26amp%3Bnbsp%3BOtmar+a+worde+pidi+pa+Liderato+di+AVP+pa+sali]}
PPA ta observando  AVP  e actual partido cu ta gobernando nos pais pa e ultimo 7 anja y nan strategia pa mantene gobernacion. AVP como organisacion ja kaba a analisa pa su mes cu nan so lo no por logra di regresa den gobernacion di Aruba despues di e proximo eleccionan.  Ta den e cuadra aki PPA ta mira e salida di x Min Otmar Oduber for di seno di AVP ta simpelmente un strategia pa purba mantene  AVP na poder un periodo mas.  Otmar a worde pidi pa Liderato di AVP pa sali for di AVP y crea impression cu e ta rabia pa despues logra di ‘neutralisa’  Democracia Real y hanja sr. Andin Bikker pa forma parti di e partido cu Otmar a hanja instruccion pa forma. Mester  realisa cu Otmar a logra den e intento aki ! Mientras tanto Democracia Real a worde ‘neutralisa’  y sr. Andin Bikker officialmente ta forma parti di e partido politico nobo esta P.O.R.!    

Na mes momento PPA kier recorda cu ora un fundador/comerciante  di  P.O.R a bandona partido P.O.R  e persona aki no a informa  Otmar cu E ta bandona P.O.R pero E a dirigi su mes pa Lider di AVP sr. Mike Eman y a declara esaki publicamente.  Esaki riba su mes ta bisa hopi. Mike Eman Lider di AVP ta  consciente di e  fundacion di P.O.R. tin un solo meta esey ta pa salba partido AVP y duna nan tur un di tres periodo di gobernacion  esta un  gobernacion AVP/POR !

PPA tambe a mira y lesa e concept statutonan di P.O.R.  unda ta worde menciona cu P.O.R mester a worde funda na  augustus anja pasa(2016)  y cu ta worde menciona como  fundador di partido P.O.R.  sr. Otmar Oduber , x ministro (e tempo ey ministro ainda), sr. Simon Arends  e primo y consehero di sr. Otmar Oduber  y tata di e actual ministro di Economia sr. Richard Arends tambe a worde menciona un miembro di staten cu su nomber a worde  ‘geschrapt’  pero tur cos ta indica cu ainda e miembro di Staten ta activo den seno di AVP.  Notable ta cu un  posicion di ministro a keda den man di famia Arends/Oduber  den persona di sr. drs.ing Richard Arends. Cu otro palabra tur cos ta indica cu esaki ta simpelmente un palabracion entra Lider di partido Mike Eman y sr. Otmar Oduber.

Otro politico cu AVP tabatatin  miedo di djele  tabata e persona sra  drs. Marisol Lopez Tromp cu mientras tanto tambe a worde neutralisa pa sr. Otmar Oduber  door di a logra convencele pa forma parti di partido P.O.R.   PPA ta ripiti cu  P.O.R ta un ‘satelite di partido AVP’  y lo garantisa cu AVP lo por continua cu su gobernacion den e periodo nos dilanti. Pueblo lo mester tene debidamente cuenta cu esaki durante e eleccionan nos dilanti.

Mientras tanto e periodo di Carnaval a pasa y den seno di AVP nan lo bai evalua si un eleccion mas trempan p.e. den seno di mei/juni lo no combini nan mas. Entodo caso tur esaki ta parti di e strategia cu a worde planea junto cu e actual lider di P.O.R  x ministro Otmar Oduber.  Si acaso  e evaluacion aki duna e asina jama ‘green light’  anto pueblo lo por tende un explocion official dentro di poco cu lo conduci na eleccion ainda mas trempan …..Si nan conclui cu no ta combininan  lo warda e final normal.


PPA E PARTIDO POLITICO INDEPENDIENTE….CU VISION Y SOLUCCION !


PPA ta preparando pa e proximo encuentro democratico.  PPA internamente ta preparando nos programa pa e proximo eleccion cu lo tene cuenta cu mas tanto ‘issue’ posibel tur deriva for di e.o. nos debe nacional, e hedging,  e ganashi di loto cu ta bai Canada, e acuerdo cuestionabel di e actual gobierno cu CITGO, e  maneho fatal riba nivel di aviacion, pobreza riba nos isla un miho calidad di ensenansa y un salubridad publico unda e patient realmente ta bin na prome lugar y diversificacion di nos economia  e producto turistico y asina nos por continua.

PPA lo goberna basa e.o. riba e sigiente puntonan :

1. Cu Aruba su autonomia mester worde respeta den tur sentido di palabra.
2. Cu Aruba  su gobierno nobo mester por goberna a basa di e  principio di ‘good governance’.
3. Cu Aruba  su gobierno nobo  lo mester jega na un asina jama ‘re-novacion y restructuracion’ di  e forma cu Aruba ta traha su presupuesto cu e meta di baha gasto na un forma substancial.
4. Cu Aruba su proximo gobierno y su proximo constelacion di Staten lo mester ta forma pa   persona cu NO ta responsabel  pa e actual  ‘caos, e crisis, e mess’  crea bao di e periodo di gabinete Mike Eman.

Basa riba esaki PPA ta preparando  tanto su programa como nos  ‘equipo adapta’ pa asina ofrece nos pueblo un alternativa real pa por juda salba nos pais. Nos ta den un epoca unda Aruba no a progresa realmente y na unda politica riba nivel di gobernacion y di parlamento a baha na nivel  inacceptable ejempel  ta keda e partimento di sla den parlamento cu nunca no a worde  aclaria.

PPA  e partido funda pa sr. Juan E. Yrausquin  q.e.p.d. un partido politico independiente  nos  maneho lo ta dirigi pa eleva e nivel di gobernacion y e nivel di representacion den parlamento di Aruba cu e meta pa duna pueblo tanto gobernacion y representacion digno.  Pueblo di  Aruba lo  mester sinti dentro di algun luna cu realmente  tin un biento fresco y nobo ta goberna nos pais y ta duna representacion na pueblo di Aruba. Pa logra esaki PPA lo combina esnan cu experiencia cu  ciudadano/politico  nobo  pa eleva nos representacion di pueblo.

PPA ta ripiti….PPA ta un partido politico Independiente cu ta sirbi bienestar general di nos pais na tur momento y nos no ta mara na interes ajeno.

Pueblo lo juda  pone un final na un gobernacion fatal y un parlamento ‘zwak’.

Aruba, 27 di februari 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co