{idkey=496b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5330-parlamentario-chris-romero-mep-sostenibilidad-responsabel%3FItemid%3D101][title=Parlamentario+Chris+Romero+%28MEP%29%3A+Sostenibilidad+responsabel][desc=E+vision+y+e+mision+cu+nos+di+partido+MEP+tin+pa+cu+Aruba%2C+ta+uno+caminda+nos+ta+menos+dependiente+di+factornan+internacional%2C+y+cu+e+costo+di+bida+na+Aruba+ta+uno+real+y+pagabel+pa+nos+tur.+Aruba+mester+bira+menos+dependiente+riba+diferente+areanan.+Ora+nos+papia+di+sostenibilidad+nos+ta+papiando+di+un+futuro+unda+nos+ta+respeta+medio+ambiente+y+pa+medio+di+innovacion+bin+cu+cambionan+cu+lo+ta+duradero+pa+un+mihor+Aruba+den+futuro.+Alaves+e+cambionan+aki+mester+keda+pagabel+door+di+nos+hendenan]}
E vision y e mision cu nos di partido MEP tin pa cu Aruba, ta uno caminda nos ta menos dependiente di factornan internacional, y cu e costo di bida na Aruba ta uno real y pagabel pa nos tur.
Aruba mester bira menos dependiente riba diferente areanan. Ora nos papia di sostenibilidad nos ta papiando di un futuro unda nos ta respeta medio ambiente y pa medio di innovacion bin cu cambionan cu lo ta duradero pa un mihor Aruba den futuro. Alaves e cambionan aki mester keda pagabel door di nos hendenan. E no por ta asina cu vision di un gobierno tin consecuencia halto financiero den cada cas.
Ta un lastima cu un vision asina importante a keda daña cu promesanan falso y politica falso.

En berdad esey ta e direccion cu nos mester bay, pero e mester wordo hasi den un manera responsabel pa asina e generacion di awor y esun di futuro por beneficia di dje.
Puntonan manera energia, medio ambiente, seguridad di alimentacion, salubridad y seguridad financiero ta puntonan cu lo tin prioridad den un proximo Gobierno. 
Ehempelnan manera ampliacion di canasta basico, control di prijs di comestible, incentivonan real pa agricultornan, piscadornan y criadornan di bestia.
Innovacion den e tres areanan aki pa por produci hopi mas cu locual cu nos ta produci awor.

Acuerdonan entre departamentonan pa pone prioridad na nos medio ambiente. Y decisionnan cu wordo tuma, mester tin estudionan riba nan consecuencia den futuro.
Inverti den nos companianan di utilidad pa hasi e costo di energia menos posibel.
Explora opcionnan den energia alternativo pero e mester por reduci gasto di energia pa consumidornan.
Promove un cultura sano door di movecion y alimentacion adecua.
E retonan lo ta grandi pero cu un vision firme y dedicacion nos ta sigur cu nos lo por logra. Sostenibilidad responsabel ta e caminda cu nos mester tuma.

Expresionnan haci den e articulo aki no necesariamente ta refleha opinion di ArenaPoliti.co