{idkey=8121b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5417-benny-nisbet-ppa-ppa-ta-gradici-e-384-ciudadano-cu-a-duna-sosten-na-ppa-durante-e-poll-di-kvk%3FItemid%3D101][title=Benny+Nisbet+%28PPA%29%3A+%E2%80%98PPA+ta+gradici+e+384+ciudadano+cu+a+duna+sosten+na+PPA+durante+e+poll+di+KVK%21%E2%80%99][desc=Humildemente+%26amp%3Bnbsp%3BPPA+ta+desea+pa+gradici+e+384+ciudadano+%26amp%3Bnbsp%3Bcu+a+vota+pa+nos+organisacion+PPA+por+participa+na+%26amp%3Bnbsp%3B%26amp%3Bnbsp%3B%E2%80%98debate+2017%E2%80%99+%26amp%3Bnbsp%3Bcu+lo+worde+organisa+%26amp%3Bnbsp%3Bpa+eleccion+2017.+PPA+tabata+%26amp%3Bnbsp%3Be+partido+claramente+cu+mas+sosten+na+e+momento+cu+e+%E2%80%98poll%E2%80%99+a+worde+kita+for+di+linea+pa+supuesto+motibo+technico.%26amp%3Bnbsp%3BNa+mes+momento+PPA+kier+gradici+e+cientos+di+ciudadano+cu+a+jama+nos+pasobra+nan+tabata+pendiente+pa+e+%E2%80%98poll%E2%80%99+continua+pa+asina+nan+duna+nan+sosten+na+partido]}
Humildemente  PPA ta desea pa gradici e 384 ciudadano  cu a vota pa nos organisacion PPA por participa na   ‘debate 2017’  cu lo worde organisa  pa eleccion 2017. PPA tabata  e partido claramente cu mas sosten na e momento cu e ‘poll’ a worde kita for di linea pa supuesto motibo technico. 

Na mes momento PPA kier gradici e cientos di ciudadano cu a jama nos pasobra nan tabata pendiente pa e ‘poll’ continua pa asina nan duna nan sosten na partido PPA. Esaki ta e prome senjal cu tin un cambio positivo den pueblo pa cu partido PPA a base di e nos oposicion hiba di pafo di parlamento y nos opinion continuo duna  unda anualmente PPA ta duna un 130/135 declaracion. Na mes momento PPA pa e ultimo ana y mei tin nos programa radial na ‘Hit 94’ tur diaranzon  atardi for di  5.30  p.m  6.00 p.m.  cual programa ta worde ripiti tur diahuebs anochi na Hit 94 pa 11.30 p.m.

Naturalmente cu esaki pueblo ta tene cuenta cu e situacion politico actual….na unda Aruba tin un gobierno di AVP cu a faya formalmente….y a hinca nos pais den un crisis financiero jamas visto  y  degeneracion di tur locual por worde cualifica y tabata   ‘good governance’ …bao di AVP no a resta mucho di esaki y e consecuencia ta pa nos pueblo y esey pueblo ta consciente di djele.

Pueblo ta consciente  cu e presencia di un partido P.O.R ta simpelmente un strategia di partido AVP pa crea un ‘partner’ cu por stroba e otro partidonan pa gara e votonan cu ta bandonando partido AVP na miles y miles. P.O.R. ta nada mas ni menos cu un AVP no. 2. Di esaki tambe poco poco pero sigur nos pueblo ta cuminsa realisa esaki.

PUEBLO A FADA DI GOBERNACION DI UN SOLO PARTIDO !!

Na mes momento pueblo di Aruba ta cuestiona e oposicion ‘zwak’ cu a worde hiba pa partido MEP den parlamento.  E  hecho cu MEP tabata grita  contra contenido  e  contract cu a worde negocia cu CITGO/PDVSA pero cu MEP a vota pele  sin mas pa duna Aruba un Upgrader envez di un refineria y ta pone Aruba cu ‘risico financiero’ enorme  den futuro cercano ?  Pueblo ta cuestiona e  rol y voto di MEP den e asina jama ‘mocion di Desiree’ formalmente.  Pa esaki y mucho mas pueblo no ta desea un gobierno di un solo partido atrobe y ta analisando criticamente e partido politico cu por ta alternativa durante e eleccion 2017 di cual su campanja official lo inicia dia 4 di augustus 2017 y lo termina den eleccion di 2017.

Ta den  e cuadra aki  PPA ta mira e votacion  pa hopi  persona sorprendiente di pueblo pa partido PPA por participa na e debate 2017 organisa pa KvK  unda e ‘interes’ di pueblo pa PPA tabata mustra uno  grandi.

PPA lo continua cu nos oposicion di pafor di parlamento….na mes momento PPA ta  preparando nos documentonan pa presenta na pueblo di Aruba y  un ‘equipo’ di candidato cu lo representa  un combinacion di  ‘experiencia y professional joven’ cu lo  hasi PPA  e alternativa sorprendiente di campanja 2017.

Historia ta ripiti su mes…..un otro epoca di Eman ta destruyende nos pais  y e.o. partido PPA funda pa sr. Juan E. Yrausquin q.e.p.d  lo por worde jama pa carga responsabilidad den purba salba nos pais.

PPA ta di opinion  cu Aruba ta den e crisis mas defastador di Aruba su existencia como Isla autonomo y pais den Reino  y pa salba nos pais  pueblo NO  mester scoge pa partido unda ‘Esnan responsabel pa e crisis  hinca nan mes’ esta AVP y POR. PPA ta di opinion cu bo no por ta parti  di esnan cu a crea e caos, crisis, desaster  anto bo ta kere cu bo mester ta parti di e solucion. Pueblo lo mester rechaza esnan directamente responsabel pa e crisis actual.   

Na mes momento nos ta pidi nos pueblo pa sigui PPA su declaracionan y programa radial y nos actividad riba ‘social media’ ….tene cuenta cu tin cierto medio di comunidacion cu ta hiba un ‘boycott’ contra PPA su declaracionan y como tal nos ta pidi pueblo pa cumpra esnan cu ta duna un refleho democratico y ta publica informacion di TUR organisacion politico. Pasobra esey ta un democracia bibo !

PPA lo sigui tene nos pueblo informa !


Aruba, 7 di april 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co