{idkey=1420b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F789-evelyn-wever-croes-ban-celebra-nos-dia-nacional-na-grandi%3FItemid%3D101][title=Evelyn+Wever-Croes%3A+Ban+celebra+nos+dia+nacional+na+grandi][desc=%26quot%3B29+anja+pasa+nos+a+celebra+dia+Aruba+a+haya+su+himno+y+su+bandera%2C+nos+semper+a+lucha+pa+engrandese%2C+y+pesey+dia+18+di+maart+nos+lo+hisa+nos+bandera+y+canta+nos+himno+cu+orguyo%26quot%3B+lider+di+MEP+a+bisa+durante+conferencia+di+prensa.+Nos+no+mester+permiti+nada+desvia+nos+atencion.+5+anja+pasa+nan+a+cuminsa+cu+falsificacion+di+historia%2C+cu+no+ta+Betico+sino+Shon+A+Eman+a+logra+e+Status+Aparte.+Nan+a+purba+elimina+memoria+di+Betico+den+e+celebracion+protocolario+di+18+di+maart.+Nan+a+bin+cu+nan+propio]}
"29 anja pasa nos a celebra dia Aruba a haya su himno y su bandera, nos semper a lucha pa engrandese, y pesey dia 18 di maart nos lo hisa nos bandera y canta nos himno cu orguyo" lider di MEP a bisa durante conferencia di prensa.

Nos no mester permiti nada desvia nos atencion. 5 anja pasa nan a cuminsa cu falsificacion di historia, cu no ta Betico sino Shon A Eman a logra e Status Aparte. Nan a purba elimina memoria di Betico den e celebracion protocolario di 18 di maart. Nan a bin cu nan propio celebracion na plaza 18 di maart, y para e acto oficial na Plaza Betico Croes. Despues nan a bin cu un buki di Mito Croes den cual e ta claim cu no ta Betico pero ta Mito a logra e Status Aparte, algo masha absurdo mes. Tur e invento nan aki tabata na vispera di celebracionnan di 18 maart den e ultimo 5 anjanan. Y e anja aki awor ta e color di e bandera cu a wordo cambia, y pa colmo Gobierno a aproba 4 strepi berde den e bandera. E gobiernonan di Mike Eman no sa mas kiko nan inventa pa crea polarisacion y desunion den celebracion di dia di himno y bandera, cu e unico meta di crea un legado pa famia Eman y partido AVP cu no ta cuadra cu historia real di nos pais. Pues crea un storia fictisio y falsifica nos historia.

"Pero nos a sinja di dje caba, y nos a wak e cos aki ta bin caba. Ban wak cu ki absurdes nan ta bin otro anja. Nos no ta permiti nan kibra nos himno ni nos bandera, y nos no ta permiti Mike Eman dividi nos pais mas. Pesey den nomber di partido Movimiento Electoral di Pueblo MEP, mi kier invita tur cuidadano di nos pais pa celebra e fiesta aki, hisa bo ba‎ndera y canta nos himno. Ban mustra cu nos amor pa Aruba ta asina grandi cu no tin ningun hende ni nada pa kibre!! " Lider di MEP Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co