{idkey=3351b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1642-rene-herde-avp-orden-o-distruccion%3FItemid%3D101][title=Rene+Herd%C3%A9+%28AVP%29%3A+Orden+o+distruccion][desc=Pueblo+mester+scohe+entre+orden+y+progreso%2C+of+instigacion+y+destruccion.%26amp%3Bnbsp%3BE+ley+di+supervision+financiero+cu+Parlamento+a+aproba+e+siman+aki+ta+ensera+cambionan+importante+pa+e+forma+di+goberna+y+usa+placa+di+pueblo.+E+cambio+aki%2C+mescos+cu+tur+otro+cambio%2C+ta+mishi+cu+interes+y+custumbernan+di+ciero+hendenan+cu+no+kier+wak+cambio.+Na+otro+banda+e+ley+aki+y+tur+e+otro+cambionan+cu+ta+tumando+luga+na+Aruba+y+den+gobierno%2C+ta+nifica+tambe+formanan+nobo+pa+goberna+nos+pais.+E+cambionan+aki+ta+]}Pueblo mester scohe entre orden y progreso, of instigacion y destruccion. 

E ley di supervision financiero cu Parlamento a aproba e siman aki ta ensera cambionan importante pa e forma di goberna y usa placa di pueblo. E cambio aki, mescos cu tur otro cambio, ta mishi cu interes y custumbernan di ciero hendenan cu no kier wak cambio. Na otro banda e ley aki y tur e otro cambionan cu ta tumando luga na Aruba y den gobierno, ta nifica tambe formanan nobo pa goberna nos pais. E cambionan aki ta bin pasobra di e experiencianan, bon y malo, cu nos pais a pasa aden pa hopi aña caba. E cambionan aki ta necesario pa preveni ripiticion di abuso cu placa di pueblo den pasado, pa sigura cu na tur nivel den gobierno e placa di Pueblo ta wordo usa pa Pueblo so, pa na tur momento nos tur sa con e placa di Pueblo ta wordo gasta, pa sigura cu Aruba ta sali mas fuerte for di e crisis financiero cu henter mundo ta aden, pa yega finansa sostenibel manera planea. IMF ta señala cu e paisnan cu a introduci e tipo di ley di supervision asina, ta e paisnan cu a sali di e crisis mas lihe y mas fuerte. Ta ken por ta contra di tur esaki? Ta solamente hende cu ta wordo afecta den nan interesnan particular ta contra di e ley aki. Ta solamente politiconan cu no kier pa hende wak con nan ta traha y con nan ta malusa placa di Pueblo, ta contra di e ley aki.

DESTRUCCION
E disturbio y destruccion cu a tuma luga ayera rond di edificio di Parlamento ta resultado di e instigacion y gañamento sistematico di e lidernan di MEP. E motibonan cu nan a duna pa ta contra di e ley, tur a wordo contradeci. Despues cu AVP a mustra cu den e ley no tin NIUN medida, e lider di partido PDR cu tambe ta den oposicion, mes a bisa cu den e ley no tin NIUN medida. E otro motibo cu MEP a duna pa ta contra di e ley tampoco ta berdad: mas cu un experto a bisa cu Aruba no ta perde NADA di su autonomia. Ta e minister di finansa di Aruba ta haya mas authoridad pa hiba e maneho pa yega na finansa sostenibel. Esaki ta e prueba cu MEP a GAÑA hende y SPANTA hende pa haya nan riba pia y causa destruccion y desorden.

Awor ta na Pueblo di Aruba pa dicidi si nos ta sigui riba e caminda dificil di CAMBIO, pero cu lo amplia nos economia, crea trabou, modernisa infrastructura di nos pais, sigura futuro di henter Aruba y percura pa finansa publico sano y sostenibel mas lihe. Of ta scohe pa bay tras di hende cu ta gaña y causa destruccion di NOS PAIS pa haya nan kier. Loke MEP kier ta pa nada cambia! Sigur no mas control y transparencia den finansa publico. Pasobra nan tin co'i sconde pasobra nan tin un historia di abuso cu placa di pueblo. Ta na Pueblo ta scohe entre orden y progreso of desorden y destruccion di nos pais.

Expresionnan haci den e articulo aki no necesariamente ta refleha opinion di ArenaPoliti.co