{idkey=5609b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F712-booshi-wever-upp-damage-control-pa-mehora-e-imagen-di-schwengle-ta-na-ordo-di-dia-atrobe%3FItemid%3D101][title=Booshi+Wever+%28UPP%29%3A+Damage+control+pa+mehora+e+imagen+di+Schwengle+ta+na+ordo+di+dia+atrobe][desc=Siman+pasa+atrobe+pueblo+por+a+tuma+nota+di+actonan+descabeya%2C+emocional+y+ad-hoc+di+e+titular+di+salud.+E+minister+a+wordo+%E2%80%9Cpara%E2%80%9D+door+di+su+propio+fraccion+den+parlamento%2C+y+esey+lo+a+hib%C3%A9%2C+mescos+cu+un+mucha+chikito%2C+na+suspende+esnan+cu+ta+directamente+traha+den+su+despacho.+Si+e+%26quot%3Btemper+tantrum%26quot%3B+aki+lo+a+tuma+lugar+na+un+kleuterschool%2C+e+juffrouw+lo+a+mand%C3%A9+bay+para+den+hoeki+pa+e+calma%2C+pero+manera+ta+custumber+caba+di+e+gobernantenan+actual%2C+nan+ta+malgasta+placa+di+pueblo+y+sali+di]}
Siman pasa atrobe pueblo por a tuma nota di actonan descabeya, emocional y ad-hoc di e titular di salud. E minister a wordo “para” door di su propio fraccion den parlamento, y esey lo a hibé, mescos cu un mucha chikito, na suspende esnan cu ta directamente traha den su despacho. Si e "temper tantrum" aki lo a tuma lugar na un kleuterschool, e juffrouw lo a mandé bay para den hoeki pa e calma, pero manera ta custumber caba di e gobernantenan actual, nan ta malgasta placa di pueblo y sali di viahe atrobe.

Su PR, cu manera nos a bin ta compronde, a compromete su mes pa proteha e minister a razon di un contracto fabuloso y miyonario, di inmediato a saca un publicacion dialuna 2 di maart 2015 na unda ta tira culpa riba directiva di hospital; ta menosprecia e trabou di parlamento indicando cu “oposicion a bin atrobe cu topiconan bieu cu no tabata al caso, manera e destaho publico”; ta indica cu NO lo bin cu un destaho publico pa realisacion di OK, y finalmente ta laga sa cu ImSan porfin lo haña e oportunidad pa efectua diferente proyecto, manera finalisa e salanan di operacion, sterilisacion y establece e centro di radioterapia.

Na prome lugar mi ta bolbe enfatisa cu e mocion di fraccion di AVP tin di haber cu un investigacion di e motibonan cu a conduci cu OK no a wordo incorpora den e plan original di construccion, ni tampoco despues cu hospital a alerta tur stakeholders NA TEMPO (18 luna pasá) cu un OK nobo ta necesario. Mi ta spera cu e investigacion sosode di un forma imparcial, y cu tambe no lo limita e investigacion na solamente e rol cu hospital a hunga den esaki. Mester keda inclui e rol di AIB/SOGA/Infrateam y di minister Schwengle mes (negligencia) den e debacle aki.

SOGA no tin e deber pa realisa un destaho publico, pero si no tabata pa mi insistencia den pasado, e compania liga na Bermello, lo a haña e proyecto di hospital sin cu un destaho publico lo a tuma lugar, y mi ta convenci cu SOGA lo a otorga Arellanos e proyecto na e suma original haltisimo cu nan a ”bid” p’e, sin cu un musca lo a bula.

Tin en todo caso un resultado positivo cu lo por sali for di e desaster aki, y esey ta cu porfin atencion ta wordo brinda na e pueblo di Pariba di Brug, esey ta si enberdad ImSan haña un empuhe financiero pa caba cu e salanan di operacion y sterilisacion.
Por ta cu lo bay dedica mas atencion tambe na ehecuta plannan pa mehora e servicio di ImSan pa e culto pueblo di San Nicolas. Lamentabel si ta cu mester a spera 5 aña y un problema cu construccion cu hospital, pa ImSan haña e chens pa termina e trabou cu ami a premira cu realisacion di un instituto medico avansa na San Nicolas.

Schwengle ta keda demostra falta di maneho, experiencia y tambe caracter stabiel pa sigui eherce e funcion di minister. Mi ta kere cu su siguiente salida publico mester ta na unda e lo entrega su retiro y evita cu e lo wordo cori di mala forma.
 

Den nomber di Union Patriotico Progresista – U.P.P.
Candelario A. S. D. – Booshi – Wever
Brazil, maart 2, 2015

Expresionnan haci den e articulo aki no necesariamente ta refleha opinion di ArenaPoliti.co