{idkey=5926b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2723-prome-minister-mike-eman-poco-gobierno-na-mundo-a-logra-soluciona-un-crisis-economia-y-finanza-publico%3FItemid%3D101][title=Prome+Minister+Mike+Eman%3A+Poco+Gobierno+na+mundo+a+logra+soluciona+un+crisis%2C+economia+y+finanza+publico][desc=2016+ta+un+a%C3%B1a+importante+pa+Aruba%26amp%3Bnbsp%3BORANJESTAD+%E2%80%93+Prome+Minister+Mike+Eman%2C+liderando+e+gobernacion+di+Pais+Aruba%2C+ta+hopi+orguyoso+cu+a+%26amp%3Bnbsp%3Blogra+un+deficit+di+solamente+2%25+den+e+presupuesto+di+2016+cu+a+keda+aproba+e+siman+aki+den+Parlamento.+Pero+tambe+a+expresa+cu+2016+%26amp%3Bnbsp%3Bta+un+a%C3%B1a+masha+importante+pa+pais+Aruba.+Presupuesto+2016+ta+algo+cu+Gobierno+ta+hopi+contento+cune%E2%80%9D%2C+Eman+a+bisa%2C+pasobra+e+ta+traha+pa+cumpli+cu+e+normanan%2C+esta+cu+e+tin+un+deficit+di+solamente+2%25+manera+t]}
2016 ta un aña importante pa Aruba 

ORANJESTAD – Prome Minister Mike Eman, liderando e gobernacion di Pais Aruba, ta hopi orguyoso cu a  logra un deficit di solamente 2% den e presupuesto di 2016 cu a keda aproba e siman aki den Parlamento. Pero tambe a expresa cu 2016  ta un aña masha importante pa pais Aruba. Presupuesto 2016 ta algo cu Gobierno ta hopi contento cune”, Eman a bisa, pasobra e ta traha pa cumpli cu e normanan, esta cu e tin un deficit di solamente 2% manera tabata e palabracion. “Esey ta un logro sumamente grandi pasobra nos ta bini di un periodo dificil unda e deficit tabata halto door cu nos a hereda un pais den un crisis pa cual nos a traha pa inverti prome pa despues baha e deficit. Nos a logra baha esaki for di 9% te na 3.7% y e aña’ki e lo ta 2%. Nos tin tur siguransa cu esaki lo ta e caso, pasobra cifranan di 2015 cu a drenta e siman aki ta mustra cu e cifranan cu nos ta calcula pa entradanan pa 2016 ta hopi realistico.”

E mandatario a expresa su satisfaccion grandi pa e hecho cu su  Gobierno ta logrando realisacion di puntonan importante di e programa di gobernacion y e programa di su partido y na mesun momento ta ensanchando e concepto di democracia na Aruba.
Segun e ta bisa, cifranan cu Gabinete Mike Eman II a calcula pa loke ta entrada di pais Aruba den 2015 a wordo surpasa. Net na momento cu Gobierno tabata preparando pa trata  presupuesto 2016, a haya cifranan di Finanza cu ta demostra cu e calculonan cu a wordo haci ainda tabata modesto, pasobra nan a wordo supera. Pesey Gobierno ta bisa cu e cifranan cu nan a pone pa entradanan den 2016 ta bira hopi mas realistico, mirando e entradanan extra cu a drenta na 2015. Cu e resultado aki den man Eman den Parlamento a bisa cu e presupuesto di 2016 mester wordo aproba cu aclamacion. “E cifranan ta asina fuerte, cu nos por bisa cu nos ta bay logra e meta sigur y ainda nos no a pone den e presupuesto loke nos ta spera na entrada for di reapertura di e refineria. Nos a pone den e texto pero no cu cifra. Pesey nos ta asina convenci cu den 2016 nos lo logra tur e metanan y ora cu e presupuesto aki yega na CAFT y Hulanda e lo haci e impresion cu nos tur ta desea, esta cu Aruba ta riba e bon caminda di recuperacion y lo kita tur e inkietud cu tin, cu Aruba ta logra sali for di e retonan financiero cu nos tin y riba nos propio forsa.”

Su Gobierno, e mandatario a expresa, no solamente a saca Aruba for di e crisis financiero pero tambe a trece stabilidad cu ta algo cu poco Gobiernonan di mundo por bisa cu nan a resolve un crisis, e economia y finansa publico.

Expresionnan haci den e articulo aki no necesariamente ta refleha opinion di ArenaPoliti.co