{idkey=6330b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4382-andin-bikker-pdr-aruba-merece-trato-igual-cu-sint-maarten-di-interes-abao-riba-refinanciamento-di-debe%3FItemid%3D101][title=Andin+Bikker+%28PDR%29%3A+Aruba+merece+trato+igual+cu+Sint+Maarten+di+interes+abao+riba+refinanciamento+di+debe][desc=Andin+Bikker%2C+lider+di+Partido+Democracia+Real+a+bisa+den+rueda+di+prensa+semanal+diamars%2C+cu+sr.+Mike+Eman+cada+bez+ta+play+di+%E2%80%9Cbeste+van+de+klas%E2%80%9D+na+Hulanda%2C+pero+ki+nos+ta+wak+ta+cu+Sint+Maarten+ta+haya+un+mihor+trato+cu+Aruba+pa+loke+ta+trata+e+fiansanan.%26amp%3Bnbsp%3BPakico+PDR+ta+bisa+esaki%3F+Bikker+ta+splica+cu+PDR+a+numa+nota+cu+14+di+October%2C+recientemente%2C+Sint+Maarten+a+haya+un+refinanciamento+di+26+miyon+florin+na+0.5%25.+Aruba%2C+na+April+2013+se%C3%B1or+Eman+a+bay+Hulanda%2C+el%26amp%3Bnbsp%3B+firma+e+witt]}
Andin Bikker, lider di Partido Democracia Real a bisa den rueda di prensa semanal diamars, cu sr. Mike Eman cada bez ta play di “beste van de klas” na Hulanda, pero ki nos ta wak ta cu Sint Maarten ta haya un mihor trato cu Aruba pa loke ta trata e fiansanan. 

Pakico PDR ta bisa esaki? Bikker ta splica cu PDR a numa nota cu 14 di October, recientemente, Sint Maarten a haya un refinanciamento di 26 miyon florin na 0.5%. Aruba, na April 2013 señor Eman a bay Hulanda, el  firma e witte donderda accoord caminda nan a bisa cu nan ta bay refinancia e debe di Aruba cu e tempo ey tabata premira na un interes di 2%, mescos cu Curacao y Sint Maarten a haya entre tanto pero mientras tanto PDR a ripara cu Aruba no a bin na remarca te dia di awe, y Raad van Advies constantemente den e presupuesto 2017 ta bisa cu e peso di interes riba e debe di pais Aruba ta desproporcional. 

Bikker a bisa cu nos ta pagando 215 miyon florin na interes, y ta premira segun table cu RvA a pone den su advise di presupuesto 2017, cu esaki ta bay subi te na casi 230 miyon pa aña na loke nos ta pagando gewoon na interes.

Esaki kiermen cu e 230 miyon ey bo no tine pa hinke den bo economia pasobra e ta debt service (servicio di debe).

Andin Bikker a añadi cu e aña akinan ta bay kibra un record cu ta bay refinancia un suma masha grandi mes, historicamente mira y e ta un oportunidad unico su por refinancia e debe di pais Aruba na un interes mucho mas abao.

Segun Bikker e delaster bono cu a wordo emiti un par di luna pasa tabata na 4.5%. “Imagina bo, Sint Maarten ta pagando 0.4% di cual den e carta ta menciona 0.22% ta boeterente.  Kiermen, e interes mes ta mucho mas abao”, Bikker a splica.

El a sigui bisa cu no obstante cu gobierno di Aruba a firma un witte donderdad accoord na April 2013 te ainda no por materializa cu Hulanda ta refinancia nos debenan na at least 1%, cu lo scapa nos miyones y miyones cu nos por hinca den nos economia.

Andin Bikker a bisa cu na final di dia e kier puntra prome minister kico a para cu e refinanciamento di e debe di Aruba cu a wordo firma na 2013, pasobra e ta ripara cu na nos hermana islanan (cu locual e ta contento by the way), tin e beneficionan menciona, pero Aruba tambe mester demanda pa e haya un trato igual caminda cu tambe por haya refinanciamento di nos debe cu envez di paga 219 pa 230 miyon na servicio di debe y interes, tambe Aruba por haya e tipo di interes faborable aki cu no tin nodi di ta 0,5 mes, e por ta 1% mes, pero en todo caso mester traha riba esaki pasobra na final di dia, hecho ta cu mester saca un conclusion pakico Sint Maarten si ta haya e trato preferencial aki, un trato husto, y pais Aruba no.

Andin Bikker ta kere cu Hulanda no tin confianza real den e maneho financiero cu Gabinete Mike Eman ta hibando, pasobra si no nan lo a dune e beneficio di duda.

Bikker a splica cu e refinanciamento di Sint Maarten ta un debe cu nan ta suppose di a paga caba pero nan no a pone riba nan presupuesto pa pague, anto nan a haya un prolongacion di cinco aña na 0.6 porciento, di cual 0.22 ta boete rente.

Andin Bikker a bisa cu e ta kere cu Gabinete Eman II lo haci bon di recorda riba e witte donderdag accoord pa Aruba tambe haya un refinanciamento di e debe na un interes similar y cu un trato igual den Reino lo ta bon pa pais Aruba pa baha nos servicio di debe di 219 miyon bayendo pa 230 miyon y bahe di 4.5 average te na 1% of 0,5.

Expresionnan haci den e articulo aki no necesariamente ta refleha opinion di ArenaPoliti.co